A Deputación da Coruña, dentro da súa programación deportiva para o ano 2023, pon en marcha un ano máis os campamentos deportivos deste verán, estes campamentos están destinados a 400 nenos/as empadroados/as nun concello da provincia da Coruña, nacidos entre o 1 de xaneiro do 2009 e o 31 de decembro de 2014.

Os participantes neste programa desfrutarán de 5 días con aloxamento e manutención, na residencia que ten a Deputación da Coruña no I.E.S. Rosalía Mera, onde os nenos/as poderán gozar dunha ampla variedade de actividades.

Esta campaña dará comezo o 2 de xullo e desenvólvese ao longo de 4 quendas, segundo a distribución xeográfica. A entrada dos rapaces/as na instalación será o domingo entre as 18:00h e as 19:30h e a saída o venres seguinte entre as 16:00h e as 17:00h.

A Deputación asume a maior parte dos gastos que ocasiona o campamento; transporte de todas as persoas participantes para as distintas actividades, así como das entradas se fosen necesarias, e do material para poder levar a cabo as actividades programadas.

Cada participante aboará unha cota de inscrición de 85,00€ (oitenta e cinco euros), que poderá ser asumida parcial ou totalmente polo concello de procedencia.

A cota de participación será preciso aboala na conta que publicaremos e enviaremos cando saibamos cal e a empresa adxudicataria do campamento, onde será preciso facer o ingreso, nel constará “Verán”, concello e nome do neno/a.

• Nestes campamentos de verán 2023 ao Concello de Val do dubra correspóndenlle 3 prazas na 3ª quenda a cal transcorre dende os días 16 de xullo ao 21 de xullo.
• Entre os días 10 de maio e o 7 de xuño será o prazo para facer as inscricións dos nenos/as.

• As inscricións das persoas participantes realizaranse no rexistro do concello onde residan, polo que o concello está obrigado a admitir calquera solicitude presentada no seu rexistro aínda que habilitase outro sistema de presentación (plataforma en liña, etc.)
• Dende o día 8 de xuño ata o día 14 de xuño farase o sorteo das prazas. Terán prioridade os nenos e nenas que nunca asistiran a campañas de verán.

é

imprescindible, no suposto de ter máis solicitudes que números de prazas concedidas pola Deputación, realizar un diante do secretario/a do concello para adxudicar estas.
Sorteo público

• O día 21 de xuño ás 14.00h rematará o prazo para enviar á Deputación os datos   dos nenos e nenas admitidas no campamento de verán, a través do SIR e xuntarase a certificación do resultado do sorteo efectuado, así como a relación dos nenos/as que quedaron na reserva.