AULA ALZHÉIMER

Val do Dubra, oitava localidade de Galicia cunha aula de alzhéimer.

Val do Dubra será a oitava localidade de Galicia que vai contar cunha aula de alzhéimer, un servizo específico de estimulación terapéutica para persoas con esta ou outras enfermidade neurodexenerativas. Atendendo unha petición do alcalde, o director xeral de Maiores e Atención Sociosanitaria da Consellería de Política Social, Antón Acevedo, desprazouse esta mañá ata Bembibre para comunicar que a Xunta sacou hoxe a licitación a contratación deste servizo, que estará operativo a partir do mes de xullo.

O alcalde, José Manuel Varela, agradeceu que a Xunta elixise Val do Dubra para poñer en marcha esta “aula de estimulación tan necesaria para mellorar a calidade de vida das persoas maiores”.

Varela Ferreiro destacou que, unha vez estea operativa, “Val do Dubra vai contar cuns servizos sociais de primeiro nivel para atender á nosa veciñanza”.