AXUDAS PROGRAMA INICIATIVA XOVE

Axudas do programa Iniciativa Xoveⁱ

Obxecto

Cofianciar a posta en marcha de iniciativas xuvenís, entendidas estas como proxectos liderados pola mocidade da CA de Galicia, que se desenvolvan durante o ano 2020, coa finalidade de fomentar e consolidar a participación libre e eficaz da mocidade no desenvolvemento político, social, económico e cultural, así como promover a adecuada utilización do lecer, a calidade de vida e o benestar dos mozos e mozas da nosa comunidade autónoma, a través de proxectos integrais e específicos de actuación.

Áreas de atención prioritaria

1. Iniciativa Xove Emprendedora: proxectos que lle permitan á mocidade probar as súas ideas no ámbito do emprendemento e da empregabilidade.

2. Promoción de hábitos saudables e prevención de condutas de risco ou violentas entre a poboación xuvenil, así como sensibilización e loita contra calquera forma de discriminación.

3. Posta en valor e promoción do Camiño de Santiago e do fenómeno xacobeo.

4. Fomento de actitudes creativas e innovadoras da xuventude na súa comunidade e na súa contorna.

5. Fomento da inclusión social e laboral e da accesibilidade dos mozos e mozas pertencentes a colectivos con dificultades de integración ou especialmente vulnerables.

6. Promoción de sectores emerxentes vinculados ao sector TIC.

7. Fomento da participación e do empoderamento das mulleres novas galegas.

8. Promoción de actitudes e hábitos sustentables e de concienciación sobre o cambio climático, así como de posta en valor do patrimonio cultural e natural.

9. Desenvolvemento e dinamización do medio rural.

10. Dinamización da lingua galega entre a mocidade.

Proxectos subvencionables

• Subvencionaranse actividades realizadas desde o 1 de xaneiro ata o 15 de outubro de 2020

• Só se poderá presentar un proxecto por solicitante e o seu orzamento total non poderá ser superior a 5.000 €, non sendo subvencionable a adquisición de equipamento e material inventariable nin os gastos ordinarios de funcionamento que non estean asociados co proxecto e recollidos no orzamento de gastos.

• Tamén se exclúen os proxectos docentes e deportivos previstos nos plans regulados de ensino e deporte escolar e federativo.

Beneficiarios e requisitos:

1. Os grupos informais de mozos/as que desexen realizar unha iniciativa xuvenil e reúnan os seguintes requisitos:

• Estar formados por un mínimo de 5 e un máximo de 8 mozos ou mozas con idades comprendidas entre os 18 e os 30 anos no momento de presentar a solicitude, debidamente identificados/as, asumindo un deles o papel de representante único do grupo e con poderes suficientes para cumprir as obrigas que, como beneficiario, lle corresponden ao grupo. As persoas que os compoñan deberán estar empadroados nalgún dos municipios pertencentes á CA de Galicia no momento de presentación da solicitude. Non poderá modificarse a composición do grupo unha vez rematado o prazo de presentación de solicitudes.

• Que o grupo teña unha denominación que o identifique.

2. As asociacións xuvenís, as entidades prestadoras de servizos á xuventude e as súas respectivas federacións sempre que, no caso destas últimas, o proxecto que presenten non sexa o mesmo que o de cada unha das asociacións que as conforman. Deberán estar inscritas, no momento de presentación da solicitude, no censo oficial dependente organicamente da Dirección Xeral de Xuventude, Participación e Voluntariado.

En ambos os dous casos non poderán estar incursos en ningunha das prohibicións establecidas no artigo 10º da Lei 9/2007, do 13 de xuño, de subvencións de Galicia e terán que ter xustificadas as axudas recibidas no último ano.

Documentación

Solicitude para entidades e para grupos informais de mozos/as e anexos | Presentación electrónica na sede

As solicitudes das asociacións xuvenís, das entidades que presten servizos á mocidade e das súas respectivas federacións deberán ir acompañadas de:

1. Certificación do secretario/a da entidade que inclúa a composición completa do seu órgano de dirección no momento de presentación da solicitude. A dita certificación deberá incluír para cada membro o nome completo, o NIF e o cargo ou función que desempeña dentro do citado órgano de dirección.

2. Proxecto de iniciativas xuvenís, seguindo estrictamente o modelo publicado como anexo III.

As solicitudes dos grupos informais deberán ir acompañadas da seguinte documentación:

1. Un poder de representación a favor dunha persoa membro do grupo, asinado polas demais persoas que o compoñen (anexo IV).

2. Anexo II, declaración/comprobación de datos. Un anexo por cada persoa membro excepto o/a representante.

3. O proxecto de iniciativas xuvenís, redactado seguindo estritamente o modelo publicado como anexo III.

Prazo de solicitude

Un mes contado a partir do día seguinte ao da publicación da orde. Ata o día 10 de marzo de 2020.

Lugar de presentación

• A presentación electrónica será obrigatoria para as asociacións xuvenís, entidades prestadoras de servizos á xuventude e as súas respectivas federacións:https://sede.xunta.es.

• Os grupos informais, opcionalmente, poderán presentar a documentación complementaria presencialmente en calquera dos lugares e rexistros establecidos na normativa reguladora do procedemento administrativo común.

• Consellería de Política Social