PROGRAMA DE COMPOSTAXE DOMÉSTICOO Concello de Val do Dubra solicitua adherirse ao Programa de Compostaxe Doméstico de Sogama, mediante o cal xa foron suministrados 50 composteiros individuais de 390 litros de capacidade e fabricados con materiais reciclados e reciclables así como manuais didácticos de apoio destinados ás familias que desexen participar en dito programa. O Concello fará un seguimento dos composteiros para comprobar que a sua utilización é a correcta nos domicilios.
O obxetivo desta iniciativa é poñer en valor a materia orgánica mediante a súa conversión en compost, un fertilizante natural con excelentes propiedades para o solo polo seu aporte de nutrintes e a súa capacidade de preservalo de plagas e enfermidades. Nos manuais que se entregarán explícase a técnica que se debe empregar, onde se debe colocar o composteiro, que materiais deben e non deben depositarse no mesmo, como controlar parámetros de gran importancia coma o osíxeno, temperatura, humidade e como actuar ante posibles incidencias.
Ao reciclar a materia orgánica nas propias vivendas, que supón un 42% da composición media de unha bolsa de basura tipo, evítase o seu depósito nos contedores verdes convencionais, diminuindo por tanto residuos que se deben transportar e tratar así coma molestos olores.
Os requisitos para poder optar a participar neste programa é ser maior de idade, estar empadroado no Concello de Val do Dubra e dispor dun terreo (horta ou xardín) no que aplicar o compost resultante, pechando así o círculo de recuperación e aproveitamento do abono. Para solicitar participar debe de cubrirse o modelo de solicitude e presentalo no rexistro do Concello ou por Sede electrónica. As solicitudes resolveranse por orden de entrada, verificando que cumpren todos os requisitos. Se o numero de solicitudes fose superior ao número de composteiros crearase unha lista de agarda que se empregará cando se reciban novos composteiros.
O prazo para a presentar a solicitude de participación comeza o luns 12 de abril.