CONCURSO DE DEBUXO “VAL DO DUBRA NA CASA”
Co obxecto de fomentar a expresión artística, a creatividade e animar aos rapaces do Concello durante esta situación de confinamento derivado do Estado de Alarma polo Covid-19, o Concello de Val do Dubra organiza un concurso de debuxo “VAL DO DUBRA NA CASA”.
TEMÁTICA: Deberá ter relación co coronavirus e o fomento da actividade familiar nas casas durante este período extraordinario de confinamento.
PARTICIPANTES: Poderán participar todos aqueles nenos e nenas residentes no concello que o desexen, contando coa autorización dos pais/nais/titores, que serán as persoas responsables de enviar os traballos dos/as seus/súas fillos/as.
CATEGORÍAS: Participarase en tres categorías dependendo da idade dos rapaces/as.
- Infantil (3 – 6 anos).
- Primaria (7 – 12 anos)
- Secundaria ( 13 – 16 anos)
TÉCNICA: Os debuxos poderán ser realizados en papel ou lenzo, con material e técnica libres, sempre que sexan orixinais.
CÓMO PARTICIPAR?: Para entregar os debuxos hai que enviar unha fotografía do mesmo ao correo electrónico alcalde@valdodubra.gal, engadindo os seguintes datos no texto da mensaxe:
- Nome e apelidos do participante.
- Categoría.
- Teléfono e correo electrónico de contacto.
- Datos do/a pai/nai/titor/a legal (nome, apelidos e DNI).
PRAZO: Os debuxos entregaranse dende o mércores 1 de abril as 09:00 horas ata o mercores 15 de abril ás 14:00 horas.
PREMIOS: Estableceranse tres premios por cada unha das categorías: 1º PREMIO, 2º PREMIO e 3º PREMIO. Consistirán en lotes de materiais de debuxo de acordo con cada categoría.
Para mais información consulta as BASES no documento adxunto.
BASES CONCURSO DEBUXO_VAL DO DUBRA QUEDA NA CASA