XESTIÓN DE RESIDUOS COVID_19

INSTRUCCIÓNS SOBRE A XESTIÓN DE RESIDUOS

Publícase no BOE a Orde SND/271/2020, de 19 de marzo, pola que se establecen instrucións sobre xestión de residuos na situación de crise sanitaria ocasionada polo COVID-19. Segundo dito documento:

Os residuos procedentes de fogares, hospitais, ambulancias, centros de saúde, laboratorios, e establecementos similares en contacto con COVID-19, serán xestionados  conforme ao que se sinala nas seguintes instrucións:

1. En fogares con positivo ou en cuarentena por COVID-19, as bolsas de fracción resto xeradas, adecuadamente pechadas seguindo as recomendacións do apartado 1 do anexo, depositaranse exclusivamente no contenedor de fracción resto ou en calquera outro sistema de recolleita de fracción resto establecido na entidade local.

Nos sistemas de recolleita húmido-seco, as bolsas depositaranse na fracción que indique a entidade local e dita bolsa recibirá o tratamento indicado no apartado segundo.4.

Queda terminantemente prohibido depositar tales bolsas nos contenedores de recolleita separada (orgánica, envases, papel, vidro ou textil) ou o seu abandono na contorna ou na vía pública.

2. En fogares nos que non se rexistren caso positivos nin cuarentena por COVID-19, a xestión de residuos continuará realizándose do modo habitual conforme á normativa ordinaria de xestión de residuos.

A separación dos residuos realizarase como vén facéndose habitualmente,
tratando de maximizar dita separación ao obxecto de reducir a fracción resto xerada.
As fraccións separadas só se depositarán nos contenedores correspondentes.
As luvas de látex ou nitrilo empregados para outros usos non deben depositarse no
contenedor de envases lixeiros (amarelo), senón no de resto.

Manexo domiciliario dos residuos en fogares con positivos ou en cuarentena por COVID-19.

Recoméndase realizalo do seguinte modo:

• Depositar os residuos e o material desbotable utilizado pola persoa enferma (luvas, panos, máscaras) nunha bolsa de plástico (BOLSA 1) nun cubo de lixo disposto no cuarto, preferiblemente con tapa e pedal de apertura, sen realizar ningunha separación para a reciclaxe.
• Pechar adecuadamente dita bolsa de plástico (BOLSA 1) e introducila nunha segunda bolsa de lixo (BOLSA 2), á beira da saída da habitación, onde ademais se depositarán as luvas e a mascarilla utilizada polo/a coidador/a. Pechar adecuadamente esta bolsa antes de saír da habitación.
• Depositar a BOLSA 2 xunto co resto de residuos domésticos nunha bolsa do lixo (BOLSA 3), correspondente ao cubo de fracción resto. Pechar a BOLSA 3 adecuadamente. Inmediatamente despois realizaráse unha complita hixiene de mans, con auga e xabón (40-60 segundos).
• Depositar a BOLSA 3 no contenedor de fracción resto.

BOE_Orde_Xestion_Residuos