Entroido 2024 en Val Do Dubra

O Concello de Val do Dubra presenta a programación para o Entroido que contará con variedade de actividades e repartirá 2.630 euros en premios

O concurso e desfile de disfraces será o sábado 10 e o desfile infantil o martes 13 de febreiro. As inscricións para o concurso deben formalizarse presencialmente no Concello de Val do Dubra desde o luns 29 de xaneiro ata o xoves 8 de febreiro

——-

O Concello de Val do Dubra presenta unha programación variada para que grandes e pequenos gocen destes festexos na localidade.

Así, o venres día 9 arranca a programación co desfile de escolares e AVANTE. Desde o colexio de Bembibre e posteriormente na Casa do Concello, onde se pendurará o Meco, elaborado polos usuarios e usuarias de AVANTE.

O sábado de Entroido, día 10 de febreiro, será o desfile e concurso de disfraces. A programación arranca ás 16:30 horas co pasarrúas a cargo da charanga “Os Celtas”. 

As 17.00 horas dará comezo o desfile de comparsas e disfraces dende o Campo da Feira ata a Casa do Concello.

Posteriormente o evento, que contará coa presentadora da TVG, Loly Gómez, como mestra de cerimonias, continuará no aparcadoiro da rúa de San Lourenzo coa entrega de premios e fin de festa con degustación de filloas, orellas, lacón…

Haberá tres premios por cada unha das tres categorías, que se repartirán do seguinte xeito:

• PREMIOS COMPARSAS: 1º PREMIO (900 euros), 2º PREMIO (700 euros) 3º PREMIO (300 euros)
• PREMIOS PARELLAS: 1º PREMIO (200 euros), 2º PREMIO (150 euros), 3º PREMIO (80 euros)
• PREMIOS INDIVIDUAIS 1º PREMIO (150 euros), 2º PREMIO (100 euros), 3º PREMIO (50 euros)

Consulta aquí as bases: bit.ly/EntroidoBasesConcurso

O broche final co baile de disfraces será a partir das 21.30 horas a ritmo da discomóbil EMEMUSIC.

Para participar no desfile é necesario formalizar a inscrición desde o luns 29 de xaneiro ata o xoves 8 de febreiro.

Na inscrición a través da Sede Electrónica será obrigatorio adxuntar ademais da Solicitude Xeral cuberta, a folla correspondente á modalidade na que quere participar, tamén cuberta, para que a participación quede rexistrada:

Folla de inscrición COMPARSAS, descárgaa aquí.

Folla de inscrición PARELLAS, descárgaa aquí.

Folla de inscrición INDIVIDUAL, descárgaa aquí.

Poden consultar as bases do concurso no taboleiro da Sede Electrónica.

A inscrición tamén se pode formalizar presencialmente no Rexistro do Concello de Val do Dubra.

Os máis pequenos tamén gozarán dunha festa especial o martes de Entroido, día 13 de febreiro, no Pavillón municipal.

Desde as 17.00h ata as 17:30h aqueles que desexen participar no desfile deberán inscribirse no propio pavillón. O desfile será a partir das 17:30 h. e despois haberá festa con inchables e degustación de filloas e orellas amenizada por Animus.

A queima do Meco marcará o punto final a tres días de actividades pensadas para que os dubreses e dubresas vivan e desfruten do Entroido na localidade.