Outono Cultural 2023 – Novembro

04/11 MAGOSTO, ESPECTÁCULOS DE CIRCO E BAILE CON ASSIRCÓPATAS E BRINCADEIRA

Magosto Popular no Campo da feira de Bembibre: castañas asadas, chourizos, bebidas e a solidariedade veciñal aportando comidas, sobremesas para facer unha festa onde a veciñanza se sinta parte da festa.

Os espectáculos son pensados para un público familiar. Comezaremos con As Sircópatas co espectáculo “Abracadaver” (circo e teatro) e baile co grupo Brincadeira con “Brincadeira de Rúa”.

Día: 4 de novembro de 2023

Lugar: Campo da Feira

Hora: A partir das 6 da tarde

Público: Familiar

11/11 TEATRO CON TANGATUTANGA “O LAGO DOS CISNES”

Tangatutanga Teatro nace en Compostela no ano 2000, no seo dun grupo moi heteroxéneo pero cun punto común: as ganas de facer teatro. Foron moitos os que aportaron o seu gran de area a este proxecto que naceu sen grandes pretensións pero que foi medrando con cada ensaio e función.

Cando menos, o espírito Tangatutanga foi medrando dentro de nós e plasmándose tanto nas obras de creación propia coma na revision de clásicos. Veñen de estrear o seu último proxecto “O lago dos cisnes” que tal como nos teñen acostumados, a diversión estará asegurada.

Día: 11 de novembro de 2023

Lugar: Auditorio

Hora: 20.30

Público: Adulto

18/11 TEATRO CON GHAZAFELLOS “NINJA”

Ninja é unha obra coa que abordamos o acoso nas escolas a través dunha historia divertida e chea de reflexións sobre a tolerancia, o respecto e a diversidade e coa que queremos amosar que un dos pasos máis importante para resolver un problema é facelo visible.

Dirección: Pepablo Patinho
Vestiario: Ghazafelhos
Elenco: Montse Piñón, Jorge Casas, Pepablo Patinho
Escenografía e atrezzos: Ghazafelhos 

Día: 18 de novembro de 2023

Lugar: Auditorio

Hora: 20.00Público: Familiar

25/11 NARRACIÓN ORAL CON BEA CAMPOS “MARCHO QUE TEÑO QUE MARCHAR”

O 25 de novembro é o Día Internacional da Violencia contra a Muller.

Marcho que teño que marchar é unha divertida sesión de contos e tamén un espazo para a reflexión sobre os roles e as desigualdade de xénero. É un cesto trenzado con historias protagonizados por mulleres que eran feministas sen sabelo: desde meigas artúricas ata avoas misteriosas.  Nun escenario convertido na casa familiar, Bea Campos relata secretos sobre a súa familia mentres cociña, bebe e traballa entre cancións, coplas e conxuros.

Marcho que teño que marchar  estivo programado no Festival Cabaret da Cidade de México este ano 2023.

Dirección e dramaturxia: Bea Campos
Elenco: Bea Campos 

Día: 25 de novembro de 2023. 

Lugar: Auditorio

Hora: 20.30Público: Adulto