ARTESACÍA: «CHOLA, A IT GIRL»
DATA: Sábado 26 de novembro.
HORA: 22 h.
LUGAR: Auditorio municipal.
PÚBLICO: Adulto.
SINOPSE: Chola, mecánica de coches, blogueira e youtuber galega é contratada por un teatro para presentar o seu monólogo ao máis puro estilo de show escénico youtuber. A través da presenza no escenario do seu coche Opel Calibra do 2000 transmitirá, con exemplos prácticos e didácticos, estratexias para poder descubrir quen somos, que nos gusta, que nos divirte… e sobre todo, saber recoñecer de onde vimos. Para todo isto, axudarase de vídeos exclusivos, proxectados con técnica de videomapping, desafíos en vivo, consellos automobilísticos e dunha gran dose musical. Cando parece que o show envolve a escena, revélase nun descoido de Chola no medio do show un cadaleito que sae do maleteiro do coche, no que está o cadaver de Lito. A través dun diálogo Chola deixa entrever ao público outro traballo non tan glamuroso. E é a partir de aquí onde Chola revela a súa connotación de It girl con enxeño, humor e personalidade reflectindo a súa realidade imperfecta, Manifestando a importancia da sabedoría popular e do uso das novas tecnoloxías a través das diversas situacións nas que se pode ver unha muller adiantada respecto ao seu tempo e á sociedade.