Saúda do Alcalde

Diego Luís Mendez Díaz

Como alcalde de Val do Dubra douche a benvida a nosa páxina web, ferramenta destinada ao conxunto da veciñanza e a aquelas persoas que visitan o noso Concello, agardando que este sexa un espazo útil e complementario aos servizos que presta o municipio.

A través da web, e xunto as nosas redes sociais, ofreceremos toda a información de interese, relativa á actividade institucional, cultural, deportiva e de ocio; convocatorias públicas ou procedementos aos que se pode acceder a través da Sede Electrónica.

Somos coñecedores da necesidade de dar pasos cara adiante nos eidos da transparencia e participación veciñal a través das canles dixitais, e por iso traballaremos nos próximos tempos en levar a cabo melloras nesta web.

Para rematar, quero aproveitar estas liñas, para convidar a aquelas e aqueles que non coñecedes o noso excepcional patrimonio natural e arquitectónico, a que visitedes enclaves como a Pedra do Home ou o Castelo de Portomeiro; que aproveitedes para camiñar polas fermosas rutas dubresas, como a das Carballeiras e a do Remuiño, ou a que vos acheguedes ao alto do Picoto, para observar dende alí o noso Val bañado polo río Dubra, xa que, sen dúbida, dese xeito estaredes a coñecer unha das paisaxes máis marabillosas de Galicia.

No meu nome e no de toda a Corporación Municipal douvos a benvida a nova páxina web do Concello de Val do Dubra.

Diego Luís Díaz Méndez
Alcalde de Val do Dubra