Outono Cultural 2023 – Outubro

05/10 NARRACIÓN ORAL: XAROPE TULÚ “BICHOCAS”

Bichocas é un espectáculo dedicado á primeira infancia (0 a 6 anos), onde os obxectos e a palabra nos fan viaxar a traverso do mundo animal. As protagonistas das nosas historias aprenderán nesta viaxe a importancia de seren diversas e a posibilidade de  compartir coas demais os seus afectos.

Bichocas ten como obxectivos estimular a creatividade individual e colectiva, incentivar á observación activa das crianzas, ofrecer propostas escénicas para aquelas crianzas que adquiren o galego como lingua inicial, fomentar o uso do galego e recoñecer a riqueza léxica do noso idioma.

Actriz/ Manipuladora:Atenea García

Construción monicreques: Nicolás Zamorano

Produción: Xarope Tulú

Día: 5 de outubro de 2023

Lugar: Auditorio

Hora: 11.00

Público: Escola Infantil de Val do Dubra

21/10 MÚSICA: MAGÍN BLANCO “A BANDA DAS APERTAS”

A Banda das Apertas é o formato musical de Magín Blanco acompañado polos músicos Jorge Juncal, Jerry Noia, Suso Lorenzo e pola voz de María Faltri. A banda das Apertas conta con anos de traxectoria musicando para o público infantil e familiar as aventuras de A nena e o grilo, descubrindo os seus segredos a través dun bo puñado de cancións coas que Magín Blanco foi creando toda unha comunidade de seareiros e seareiras. O meu país, Don Ramón, A formiga Lúa, Todos somos capitáns ou rock&roll dragón son algúns dos clásicos que fan cantar e bailar a pequenas e maiores. A Banda das Apertas é unha das propostas musicais preferidas polo público miúdo e polas súas familias.

Día: 21 de outubro de 2023

Lugar: Auditorio

Hora: 20.00

Público: Familiar

23/10 MARÍA DA PONTRAGHA E BLEUENN LE FRIEC “CONTOS… ENTRE CORDAS”

En “Contos… entre cordas”, recorremos un mesmo camiño en busca dun lugar común entre as nosas dúas formas de expresión. Entre a palabra e a música ideamos a maneira de achegar a arpa e o seu repertorio a lugares onde non adoita escoitarse. A música clásica faise máis cercana atravesada polos contos que traemos. Mostrarémosche o vínculo entre as rosquillas e a música romántica, entre a tradición oral galega e o repertorio da arpa clásica, entre os contos e as cordas.

María da Pontragha é educadora e antropóloga, dende sempre mantivo un vínculo moi forte coa tradición oral. No 2009 comezou a súa andaina no mundo da narración centrándose en todo o que rodea a oralidade. Bleuenn Le Friec é unha arpista bretoa, galega de adopción. Formada em arpa celta e clássica, e é con este instrumento que desenvolve hoxe a súa vida musical (Real Filharmonía de Galicia, Orquesta del Gran Teatre del Liceu, …) como na música de raíz galega (Zumaque, Uxía, Xoan Curiel,…).

Elenco: María Iglesias “María da Pontragha” e Bleuenn Le Friec
Nome do espectáculo: Contos… entre cordas
Modalidade artística: Narración oral, música ao vivo
Duración do espectáculo: 50 min
Día: 31 de outubro de 2023
Lugar: Auditorio
Hora: 12.00
Público: Alumnado da ESO

28/10 MÚSICA: ABE RÁBADE E DAVIDE SALVADO

O novo traballo discográfico de Abe Rábade. 14 composicións orixinais adicadas á vexetación autóctona de Galicia conforman un campo de visión aberto ao mundo que funde o rural co urbano.

A escrita musical e o piano de Abe Rábade atópanse coa voz e a percusión tradicional galega dun dos máis prestixiosos valores da actualidade: Davide Salvado

Día: 28 de outubro de 2023

Lugar: Auditorio

Hora: 20.30

Público: Adulto

http://www.undiscoaldia.com/abe-rabade-botanica-2022/