IMPLANTACIÓN DE PUNTO LIMPO DE PROXIMIDADE

O Punto Limpo é unha instalación destinada a recibir, previamente seleccionados, certos tipos de residuos que, ben por ser reciclables, ou ben por estar considerados como tóxicos e perigosos, non é conveniente que se eliminen có resto do lixo doméstico. Estes residuos son depositados en contedores específicos para cada tipo de material e posteriormente trasladados a centros de valorización, tratamento ou confinamento. Este método de recollida se enmarca dentro da recollida selectiva o que fai que estes residuos vaian a parar a unha planta de recuperación e reciclaxe.

A actuación comprende a adquisición dun módulo de contedores específico para a recollida selectiva de certas fraccións de residuos, facilitando a reciclaxe destes por parte da poboación. Será complementario do punto limpo fixo existente no concello, ampliando o servizo que presta este, xa que non estará suxeito a horarios de apertura, e aproximando o lugar de recollida dos refugallos á xeración destes.

O punto limpo de proximidade servirá de ferramenta para poder separar unha gran cantidade de residuos que poderían ser depositados erroneamente dentro da fracción “resto” e que non se separen para o seu aproveitamento, reciclaxe ou valorización. Entre os materiais previstos que se poderán depositar no punto limpo de proximidade estarán os seguintes: Botes de aerosois a presión, Aparatos eléctricos e electrónicos (RAEEs), Cartuchos de impresora, toner, Pilas e baterías, Roupa e calzado, Xoguetes ou Aceite vexetal de cociña.

Se recollerán 8 tipos diferentes de residuos, identificados con 10 códigos LER diferentes.

As posibles melloras a acadar, entre outras, son as seguintes:

• Aumentar o número de fraccións recollidas para a súa reciclaxe e valoración.
• Incrementar os coñecementos acerca de residuos da poboación residente no municipio.
• Concienciar aos cidadáns de que deben de separar mellor as fraccións de residuos.
• Facilitarlle aos residentes do concello, especialmente a aqueles que viven afastados dos núcleos urbanos, a separación en fraccións dos seus residuos.

Agárdase que a cantidade de residuos a xestionar anualmente polo punto limpo de proximidade sexa de unhas 15 toneladas no primeiro ano, e ata o entorno de unhas 44 toneladas no terceiro ano de operación e seguintes.

A actuación acollese a ORDE do 7 de xuño de 2022 pola que se establecen as bases reguladoras para a concesión de axudas a entidades locais de Galicia para o financiamento de actuacións destinadas ao fomento da prevención, reutilización e recollida en proximidade de residuos municipais, cofinanciadas polos fondos do Programa de economía circular e do Plan de impulso ao ambiente-PIMA residuos.

• Inversión total: 13.310,00 €
• Importe da axuda: 10.000,00 €