2/12 TEATRO E MÚSICA CON PÍSCORE “MOLTO BARROCO”
Molto Barroco é, antes que nada, unha reivindicación das composicións musicais barrocas desde o teatro. Píscore Teatro ofrece a posibilidade de desfrutar, desde o teatro e o humor, da música da época barroca.
Con motivo do baile de petición de man da súa prometida, o Rei encarga ao Compositor da corte unha peza orixinal. Esta solicitude desencadea unha serie de escenas cómicas entre o Compositor e os seus tres músicos de cámara nas que teñen cabida todo tipo de gags, rutinas cómicas e musicais, bailes e ata xogos malabares.
Elenco: Pepe Varela, Diego Rosal, Félix Rodríguez, Pablo Cabanelas
Dirección: Fran Rei
Día: 2 de decembro de 2023.
Lugar: Auditorio
Hora: 20.00Público: Familiar
16/12 TEATRO CON AS FILLAS BRAVAS DE CHÉVERE “O MITO DE CASSANDRA”
As Fillas Bravas e o mito de Casandra é, por un lado, unha obra na que tres mulleres maiores tratan de entender o cambio climático e facerlle fronte aplicando os saberes e a experiencia dunha vida longa no rural. E por outro, é unha obra con perspectiva de xénero á procura de personaxes femininas empoderadas, colocando o foco nunha muller afirmativa, autónoma, creativa e implicada na colectividade.
En escena: Patricia de Lorenzo, Mónica García, Arantza Villar
Idea e creación: Chévere
Dramaturxia e dirección: Xron
Escrita: Manuel Cortés
Adestramento musical: Inés Portela
Día: 16 de decembro de 2023.
Lugar: Auditorio
Hora: 20.30
Público: Adulto