CORONAVIRUS

RECOMENDACIÓNS DA CONSELLERÍA DE SANIDADE EN RELACIÓN Á SITUACIÓN ACTUAL DO NOVO CORONAVIRUS EN GALICIA

TELÉFONO DE INFORMACIÓN PARA A CIDADANÍA

No caso de que teña algunha dúbida ou necesite información, a Xunta de Galicia ten habilitado o teléfono gratuíto 900 400 116 para que formule as súas consultas.

SINTOMATOLOXÍA

Os síntomas máis comúns da enfermidade polo coronavirus (COVID-19) son:

FEBRE, TOSE, DIFICULTADE RESPIRATORIA OU DISPNEA.

No caso de que chegase dunha viaxe ou de que estivese en contacto con persoas que veñan dunha área de risco e presente os síntomas descritos, recoméndase que non acuda directamente ao hospital nin ao centro de saúde senón que CONTACTE TELEFONICAMENTE CO 061.

RECOMENDACIÓNS XENÉRICAS:

Hixiene de mans e hixiene respiratoria  Lavar as mans frecuentemente con auga e xabón, ou utilizar unha solución hidroalcóholica.  Evitar tocar os ollos, o nariz e a boca se non se teñen as mans limpas. 

Practicar unha boa hixiene respiratoria: cando tusa ou esbirre, tapar a boca e o nariz cun pano de papel, que inmediatamente hai que desbotar nunha papeleira, ou facelo contra a flexura do cóbado.

Despois de tocar as secrecións respiratorias (ao esbirrar, tusir ou tocar un pano de papel) e/ou obxectos contaminados, deberá lavar ben as mans.  Se ten síntomas de infección respiratoria (FEBRE, TOSE, DIFICULTADE RESPIRATORIA OU DISPNEA) afástese doutras persoas e mantéñase a un distancia de, polo menos, a 2 metros. 

Non se recomenda o uso de máscara como medida de protección para persoas que non estean enfermas. Ao contrario, isto pode xerar unha sensación de seguridade que non é certa e a súa manipulación pode motivar máis risco por contacto con nariz, boca ou ollos.

RECOMENDACIÓNS SOBRE VIAXES

Seguindo o principio de precaución, recoméndase non viaxar ás zonas afectadas ou ás zo- nas de risco, a non ser que sea estritamente necesario, que neste momento son 4 rexións do norte de Italia (rexións de Lombardía, Véneto, Emilia-Romaña, Piamonte), China incluído Hong Kong e Macao, Corea do Sur, Singapur, Xapón e Irán. Nota: estes territorios poden variar polo que sempre debe chequearse na web do Ministerio de Sanidade a última actualización (https://www.mscbs.gob.es/profesionales/saludPublica/ccayes/alertasActual/nCov- China/areas.htm). Non é necesario que se repatríen nin os estudantes nin os traballadores das zonas de risco, que deben seguir as recomendacións que emitan as autoridades sanitarias da zona onde estean.

No estado actual de difusión da enfermidade, en fase de contención, e tendo en conta o número de casos en España e o seu control, non parece necesario dar unha recomendación xeral de suspensión de eventos. Porén, o que si convén é pedir que todas aquelas persoas que presenten sintomatoloxía (FEBRE, TOSE, DIFICULTADE RESPIRATORIA OU DISPNEA), por responsabilidade persoal e comunitaria, que non acudan a este tipo de actos. E, en canto aos organizadores destes eventos, han de extremar as medidas de limpeza e distribuír os consellos actuais de como actuar se se presentan síntomas. Estas recomendacións adaptaranse, en todo caso, ás que se establezan a nivel internacional ou nacional tendo en conta a evolución da enfermidade.

Para máis información:

www.sergas.es/Saude-publica/Novo-coronavirus-informacion-poboacion