CHARLAS PROMOCION DA IGUALDADE ENTRE MULLERES E HOMES E PREVENCIÓN E REXEITAMENTO DA VIOLENCIA CONTRA AS MULLERES.
O Concello de Val do Dubra continua coas accións encamiñadas a eliminar ás violencias de xénero:
O 25 de Novembro está o caer e dende o Concello de Val do Dubra queremos aportar o noso grao de area para que este día deixe de destacar no almanaque como o Día Internacional da Eliminación da Violencia contra a Muller e pase a ser un día máis (o día despois do 24 de novembro).
As redes sociais son unha das canles que máis impacto ten nas relacións interpersoais da xuventude, reproducindo os comportamentos sexuais que impón o sistema patriarcal, non permitindo desenvolver unha sexualidade libre e igualitaria.
Estas CHARLAS, dirixidas a pais e educadores,forman parte dun Programa de educación transversal que o longo do curso se están a desenvolver nos diferentes colexios e institutos do noso Concello. Vannos mostrar unha canle de comunicación para poder comunicarnos cos nosos fillos/as nestes aspectos e facernos ver o problema real o que están expostos e como poder afrontalo xuntos.
