OBRADOIRO DE EMPREGO DUAL «PROMOCIÓN 2021»
O Concello de Val do Dubra, como promotor do Obradoiro de Emprego dual “PROMOCIÓN 2021”, xunto cos Concellos de A Baña, Concello de Negreira e Concello de Santa Comba é beneficiario dunha subvención por parte da Consellería de Emprego e Igualdade para a realización dun obradoiro de emprego para persoas maiores de 18 anos, para 20 alumnos/as traballadores/as distribuídos nas seguintes especialidades formativas; Actividades Auxiliares en Conservación e Mellora de Montes (AGAR0309) 10 alumnos/as e Operacións Auxiliares de Revestimentos Continuos en Construción (EOCB0109) 10 alumnos/as.
Este Programa de emprego terá unha duración de 9 meses, e a preselección de alumnos/traballadores farase na Oficina de Emprego Santiago Norte, onde serán preseleccionados aquelas persoas inscritas no Servizo Público de Emprego de Galicia como demandantes de emprego; e teñan solicitado algún dos seguintes servizos: Escolas Taller (320), Casa de Oficios (330), Taller de Emprego(340), Outro programas de emprego formación dual (370) e 699 suspensión específica programas experimentais de emprego.
Aquelas persoas interesadas en participar neste programa como alumnado e que aínda non estean inscritas nos devanditos códigos poderán facelo dirixíndose á citada oficina a través das seguintes canles:
- Na oficina, pedindo cita previa no seguinte enlace: https://emprego.xunta.es/citaprevia/
- Prazo ata o vindeiro día 30/09/2021 incluído.