O alcalde de Val do Dubra, Jose Manuel Varela Ferreiro, inaugurou o obradoiro de emprego do cal é promotor o noso Concello. Ao acto de inauguración do obradoiro dual de emprego “Promoción 2021”, impulsado polos concellos da Baña, Negreira, Santa Comba e Val do Dubra asistiron o alcalde de Negreira, o alcalde da Baña, e un concelleiro de Santa Comba, ademais de concelleiros da corporación local de Val do Dubra.
O obxectivo é ofrecer formación e traballo a persoas maiores de idade desempregadas, á vez que se realizan obras de mellora e limpeza das infraestruturas públicas nestes catro municipios.
O obradoiro, que se desenvolverá durante nove meses ata o 27 de xullo de 2022, conta con dúas especialidades e un total de vinte alumnas e alumnos, cinco por cada concello.
