TARXETA DO PARO

Emprego Galicia, en coordinación co Servicio Público de Empleo Estatal (SEPE), acordou o seguinte:

NON será necesario renovar a demanda de emprego ata o día 30 de abril.

Se tes que realizar un trámite urxente e imprescindible na túa demanda, poderás facelo a través da oficina virtual ou contactando por teléfono ou correo electrónico coa túa oficina de emprego (http://emprego.xunta.es/buscador-oficinas)​

Quedan suspendidas as citas presenciais de orientación.

Quedan aprazadas, mentres dure a suspensión das actividades educativas, as accións de formación profesional para o emprego xestionadas ou financiadas pola Xunta de Galicia, os obradoiros de emprego e os programas integrados.

Ademais, cómpre que saibas que, no que se refire ás Oficinas de Prestacións dependentes do SEPE:

– NON se terán en conta os prazos actualmente establecidos para solicitar a prestación ou subsidio. É dicir, o teu dereito á prestación ou subsidio queda plenamente asegurado sen ter que cumprir o prazo habitual para solicitalos.

– Habilitaranse canles para a recuperación da demanda daquelas persoas inscritas con anterioridade ou para facilitar, no seu caso, a inscrición inicial.

– NON se esixirá a acreditación da BAE na solicitude do subsidio extraordinario ou renda activa de inserción.

E outras medidas que podes consultar en: https://www.sepe.es

Por favor, non acudas á oficina de emprego. Iremos actualizando toda esta información no Portal de Emprego de Galicia (emprego.xunta.gal).

Podes consultar toda a información e recomendaciones sobre o COVID-19 na páxina web oficial: coronavirus.sergas.gal.