DESCONCERTO

DESCONCERTO

DATA: Xoves 30 de decembro.

HORA: 19:30 h.

LUGAR: Auditorio Municipal.

PÚBLICO: Familiar

SINOPSE: DESCONCERTO é un espectáculo cómico sobre a música culta de  Culturactiva  Produccións, posto en escena por Félix Rodríguez e Fran Rei e dirixido por Marcos  Orsi. Os nosos protagonistas chegan tarde ao recital. Coa orquestra a piques de comezar o repertorio e o público preparado para gozar, ven na obrigación de improvisar para saír da situación. Curiosamente, a partir deste aloucado punto de partida, o espectáculo vai avanzando e o programa previsto vaise executando con algún que outro atranco cómico.  DESCONCERTO é, en definitiva, un divertimento que mestura temas en directo con rigorosos  play- backs sobre a música culta, un achegamento á música clásica a través do humor. Montaxe cómica que combina música, teatro, humor e moito ritmo para ofrecer unha imaxe amena e atractiva da música clásica. Ao longo dos seus 60 minutos de duración, neste espectáculo conviven pezas musicais clásicas de compositores como Leroy Anderson,  Bach,  Khachaturian, Mozart, Beethoven ou Rossini, e rutinas teatrais cómicas protagonizadas polo director da orquestra, diversos solistas, cancións a dúo, unha conferencia condensada sobre a música clásica e ata un número de ballet.

https://www.culturactiva.org/es/espectaculo/desconcerto

MEDIDAS DE SEGURIDADE:

→ Os asistentes deberán acceder ao auditorio con máscara  e permanecer con ela posta

      toda a actuación.

→ Os maiores de 12 anos de idade deberán presentar o certificado de vacinación.

→ Deberán menterse as distancias de seguridade e permanecer no sitio asignado en todo

      momento.