EUROPE FOR CITIZENS

Desde o concello de Val do Dubra queremos agradecer aos representantes do municipio de Oliveri, ao seu Alcalde, Francesco e aos membros da corporación, así como ao persoal que posibilitou que teña lugar este achegamento, e que nos permitiu integrarnos neste proxecto “Between, Solidarity and Tolerance in Europe” (dito acto celebrouse na cidade de Oliveri en Sicilia-Italia nos pasados días do 17 de outubro o 22 de outubro de este ano). Un proxecto enriquecedor entre culturas que achega para as nosas comunidades unha visión común de futuro.

A figura do irmandamento, ou colaboración de pobos, cobrou especial notoriedade tras a Segunda Guerra Mundial, entre pobos que axudándose mutuamente en tempos difíciles quixeron manter e facer perdurar un vínculo, adaptando e profundando relacións. Foi tamén o anhelo de paz mundial a semente de creación da Unión Europea, que hoxe é estímulo de cohesión entre pobos, forza modernizadora e pacificadora.

Atopámonos nun momento histórico crucial ante a crise provocada pola guerra de Ucraína, e é neste momento no que cobran aínda maior sentido proxectos como o que nos ocupa, que promoven o establecemento e fortalecemento de lazos de unión entre pobos. Tolerancia e solidariedade, valores que reforzan o sentimento da Unión Europea.

Neste proxecto participaron ademais do noso concello os seguintes concellos:

Oliveri en Italia

Glabusovce en Eslovenia

Cesis Municipality en Latvia

Breitnau Municipality en Alemaña

Lukovit en Bulgaria