PROGRAMA ELIXE GALICIA

Estadías de lecer para a mocidade, familias e maiores no programa «Elixe Galicia»i

Obxecto

Subvencionar parcialmente o custo de estadías turísticas, en réxime de concorrencia non competitiva, para as persoas maiores, mozos/as menores de 30 anos e familias con fillos menores residentes na CA de Galicia participantes programa Elixe Galicia.

A concesión das prazas no suposto de máis solicitudes que prazas convocadas, terá lugar a través de sorteo entre todas as solicitudes que cumprindo os requisitos establecidos nas presentes bases se presenten en prazo.

Realizaranse dous sorteos, un para as solicitudes correspondentes o ano 2020 e outro para as solicitudes do ano 2021. As datas, lugar e hora da celebración dos sorteos publicaranse no taboleiro de anuncios da páxina web da Axencia Turismo de Galicia: https://www.turismo.gal/espazo-institucional.

Modalidades do programa e servizos incluídos

O programa Elixe Galicia, contará con catro modalidades de viaxes:

  1. «Vacacións en zonas costeiras», terá unha duración de 5 días (4 noites) en réxime de pensión completa. Inclúese o xantar día de chegada e día de saída, aloxamento en hoteis de tres estrelas ou superior situados en localidades costeiras. Mínimo de tres visitas ou actividades de medio día adaptadas ao grupo destinatario durante a súa estancia e inclúe o transporte desde as catro capitais das provincias galegas, Santiago de Compostela, Vigo e Ferrol.

  2. «Rutas de Patrimonio Histórico e Cultural», terá unha duración tres días (dúas noites), en réxime de pensión completa e preferiblemente os fins de semana para os colectivos de mozos e familias.
    O aloxamento será en hoteis de dúas estrelas ou superior situados en poboacións que permitan a xestión dun programa adecuado para as visitas programadas.
    Contará con servizos de guía acompañante durante todo o circuíto.
    Inclúe visitas culturais con relevancia histórico-artística e como mínimo unha actividade ou visita diaria sen custo adicional para o usuario e tamén o transporte desde as catro capitais das provincias galegas, Santiago de Compostela, Vigo e Ferrol e os desprazamentos que deban producirse durante os días que dura a viaxe.

  3. «Rutas de natureza e montaña» terá unha duración tres días (dúas noites), en réxime de pensión completa, preferiblemente os fins de semana para os colectivos de mozos e familias.
    O aloxamento será en hoteis de dúas estrelas ou superiores ou aloxamentos rurais de categoría similar.
    Contará con servizos de guía acompañante especializado durante todo o circuíto.
    Dúas excursións ou actividades de sendeirismo e/ou turismo activo na totalidade da estancia e inclúe tanto o transporte desde as catro capitais das provincias galegas, Santiago de Compostela, Vigo e Ferrol, como os desprazamentos que deban producirse durante os días que dura a viaxe.

  4. «Estadías en Balnearios» terá unha duración 5 días (4 noites), en réxime de pensión completa. Aloxamentos en hoteis de dúas estrelas ou superior situados na Comunidade Autónoma de Galicia a unha distancia non superior a 20 km do balneario, talaso ou establecemento de saúde e benestar de destino.
    Deberá dispoñer, incluído no prezo do programa, dun acceso diario ao balneario de augas mineiro-medicinais, talaso ou establecemento de saúde e benestar da Comunidade Autónoma de Galicia, incluíndo no programa, sen custo adicional, un tratamento por persoa e estancia, así como prezos especiais reducidos para outros tratamentos.
    Contará cun mínimo de dúas excursións ou actividades de medio día a recursos turísticos ou poboacións da Comunidade Autónoma de Galicia, con localización próxima ao establecemento hostaleiro de pernocta, e o transporte desde as catro capitais das provincias galegas, Santiago de Compostela, Vigo e Ferrol.

Para as catro modalidades do programa, o servizo inclúe unha póliza de seguro colectiva de viaxe, coa finalidade de cubrir diferentes continxencias dos usuarios durante a realización da viaxe.

Persoas beneficiariase requisitos

As persoas residentes legalmente na CA de Galicia, que reúnan os seguintes requisitos:

  1. Estar empadroado en algún dos municipios da Comunidade Autónoma de Galicia con unha antigüidade mínima de dos anos anteriores á data final do prazo de presentación de solicitudes establecido nestas bases.

  2. Solicitar praza para destinos distintos a súa provincia de residencia, salvo que non exista oferta nesa provincia.

  3. Poder valerse por si mesmos para realizar as actividades básicas da vida diaria, coa excepción das persoas con discapacidade nas condicións especificadas para cada colectivo.

  4. Efectuar o pago do prezo estipulado.

Ademais deberán pertencer a algún dos seguintes colectivos:

A) Maiores:

  • Ser pensionista de xubilación do sistema de seguridade social español, ser pensionista de viuvez con 55 ou máis anos de idade do sistema de seguridade social español, ser pensionista por outros conceptos do sistema de seguridade Social español ou perceptor de prestación, subsidios de desemprego con 60 ou máis anos de idade, ser asegurado ou beneficiario do sistema de seguridade social español con 65 o máis anos de idade. Tamén se consideran persoas beneficiarias:

  • Os/as cónxuxes ou no seu caso, parella de feito ou persoa coa que se constitúe unha unión estable e de convivencia con análoga relación de afectividade á conxugal, sen necesidade de que estes reúnan os requisitos esixidos neste apartado.

  • Os/as fillos/as con discapacidade, en grado igual o superior ao 33 % sempre que a viaxe se realice cos seus pais e se aloxen na mesma habitación ou, no seu caso, abonen o suplemento establecido para habitacións individuais que estará suxeito a dispoñibilidade de praza.

As persoas beneficiarias, coa excepción dos/as fillos/as con discapacidade, deben valerse por si mesmos para realizar as actividades básicas da vida diaria.

Na solicitude que se presente deberá indicarse se a participación no programa será só para o solicitante, ou se se inclúe ao/á cónxuxe e a un/unha fillo/a con discapacidade.

Do total das prazas deste colectivo, reservarase un 10 % do total para persoas con pensións non contributivas, o que se terá que indicar na solicitude.

B) Mozos/as menores de 30 anos:

As solicitudes para este colectivo poderán ser individuais ou colectivas no caso de que se unan ata 4 solicitudes. Os/as mozos/as que se presenten como grupo nunha mesma solicitude deberán reunir os requisitos establecidos nas presentes bases para participar nos programas.

Do total das prazas dete colectivo  destinarase un 10 % a persoas con discapacidade, en grado igual ou superior ao 33 % que poderán ir acompañados/as doutro mozo/a menor de 30 anos que se aloxe na mesma habitación e a atención requirida na estancia poida ser dispensada polo acompañante a cuxo cargo viaxan.

Na solicitude deberá indicarse se a participación no programa será só para o solicitante, ou se se inclúe á persoa acompañante, que terá a condición de beneficiario/a.

C) Familias con fillos/as menores de idade:

Enténdese por familia, as persoas unidas entre si por matrimonio ou unha relación análoga de afectividade, as persoas que dependan delas por filiación, adopción, tutela, garda, garda de feito ou acollemento permanente ou preadoptivo, e as persoas que estean ao seu cargo, sempre que formen un núcleo estable de convivencia.

Calquera outra forma de relación estable entre membros dunha parella considérase asimilada ao vínculo por matrimonio, sempre que estea acreditada pola inscrición no correspondente rexistro.

Os fillos menores entre 0-3 anos non ocuparán praza.

Terán a condición de beneficiarios os/as fillos/as entre 4 e 18 anos, os fillos/as e ascendentes con discapacidade en grado igual o superior ao 33 % sempre que a viaxe a realicen cos seus pais/fillos/as e se aloxen na mesma habitación ou, no seu caso abonen o suplemento establecido para habitacións individuais que estará suxeito a dispoñibilidade de praza e a atención requirida na estancia poida ser dispensada polos pais, titores ou fillos/as cos que viaxan.

Os/as fillos/as maiores de 18 anos e os ascendentes, salvo os fillos/as ou ascendentes con discapacidade, pagarán o 100 % da praza.

Do total das prazas deste colectivo reservarase un 10 % do total para familias numerosas, o que deberá indicarse na solicitude.

Prazas por modalidades e quendas

  • «Vacacións en zonas costeiras»: un total de 3.200 prazas para a tempada 2020 e 3.500 prazas para a tempada 2021.

  • «Ruta de Patrimonio Histórico e Cultural»: un total de 1.200 prazas para a tempada 2020 e 1.300 prazas para a tempada 2021.

  • «Ruta de Natureza e Montaña»: un total de 1.200 prazas para a tempada 2020 e 1.300 prazas para a tempada 2021.

  • «Estancias en Balnearios»: un total de 500 prazas para a tempada 2020 e un total de 600 prazas para a tempada 2021.

O programa desenvolverase por quendas ou turnos que agrupen ás persoas beneficiarias por modalidade, colectivo e tempada. As quendas iniciaranse en marzo-abril de 2020 e finalizarán en decembro de 2021.

Para o ano 2020:

  • Tempada baixa: do 1 de novembro a 17 de decembro.

  • Tempada media: do 28 de marzo a 30 de abril.

  • Tempada alta: do 1 de maio a 20 de xuño e do 11 de setembro a 15 de outubro.

Para o ano 2021:

  • Tempada baixa: do 26 de xaneiro a 27 de marzo e do 16 de outubro a 10 de decembro.

  • Tempada media: do 29 de marzo a 30 de abril.

  • Tempada alta: do 1 de maio a 20 de xuño e do 11 de setembro a 15 de outubro.

En todo caso as datas finais en cada unha das tempadas concretaranse pola empresa adxudicataria do contrato de servizo para a creación, organización, xestión e comercialización do programa Elixe Galicia.

prezo fixo a pagar polas persoas usuarias é o seguinte:

Mod. 1

Mod.2

Mod.3

Mod.4

T. baixa

114 €

117 €

117 €

198 €

T. media

180 €

129 €

129 €

222 €

T. alta

204 €

141 €

141 €

246 €

Documentación

Anexo II: modelo de solicitude normalizado segundo colectivo beneficiario, no que se indicará a modalidade do programa, ano e a tempada de desfrute: Anexo II-A: para maiores | Anexo II- B: para mozos/as |Anexo II-C: para familias.

  • No colectivo de maiores presentarase o libro de familia cando se inclúan na solicitude como persoas beneficiarias os/as cónxuxes e os/as fillos/as con discapacidade.

  • No caso do colectivo familias, deberá achegarse libro de familia ou documento que acredite a convivencia.

  • Documentación xustificativa de padecer unha discapacidade, no caso de que o órgano que realiza tal recoñecemento non dependa da Xunta de Galicia.

  • Título de familia numerosa no caso de non ser expedido pola Xunta de Galicia.

Anexo III en calquera dos colectivos cando se inclúan na solicitude outras persoas beneficiarias ou acompañantes

Lugar de presentación

Preferiblemente por vía electrónica a través do formulario normalizado que figura ao final destas bases como Anexo II, dispoñible na sede electrónica da Xunta de Galicia, https://sede.xunta.gal.

Tamén poderá presentarse presencialmente en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia.

As axencias de viaxes colaboradoras poderán informar e prestar a súa asistencia aos/ás solicitantes para o cumprimento das solicitudes.

Prazo

  • Para a tempada do ano 2020 será dun mes contado a partir do día seguinte ao da publicación no DOG. Ata o 3 de marzo de 2020.

  • Para a tempada do ano 2021, o prazo de presentación de solicitudes será do 1 de setembro ao 30 de setembro de 2020.

Si neste prazo non se cubrisen a totalidade das prazas dispoñibles, admitirante solicitudes por orde de presentación ata a total cobertura das prazas e sempre con dúas semanas de antelación á data de saída.

Só poderá presentarse unha solicitude por persoa e ano.

Información aos/ás interesados/as

Sobre este procedemento administrativo poderase obter documentación normalizada ou información adicional na Axencia Turismo de Galicia, a través dos seguintes medios:

  1. Páxina web oficial da Axencia Turismo de Galicia: http://www.turismo.gal/canle-profesional/promocion-do-sector/axudas-e-subvencions.

  2. Páxina web https://sede.xunta.gal/portada, e introducindo no buscador o código de procedemento.

  3. Os teléfonos 981 54 25 51 e 981 95 70 63 da devandita Axencia.

  4. Enderezo electrónico fomento.turismo@xunta.gal.

i Fonte e elaboración: MATIASS

Noticias Similares

ACTUACIÓN NOVOS LOBOS ACTUACIÓN NOVOS LOBOS Sábado 17 de xullo as 18:00 horas, na área recreativa das piscinas. Esta actividade realizarase ao aire libre e de xeito informal, posto que
NUNCA CAMIÑARÁS SOA CINCO CONCELLOS PERCORRERÁN O SEU TERRITORIO PARA VISIBILIZAR A LUZ DA ESPERANZA CONTRA A VIOLENCIA DE XÉNERO.   Santa Comba, Val do Dubra, A Baña, Negreira e
TORNEO TENIS DE MESA A AGRUPACIÓN DEPORTIVA DUBRATAMBRE de tenis de mesa organiza un torneo de Nadal o vindeiro día 4 de xaneiro de 2020. no cal colabora o concello de Val
Cursos natación
BRAVAS BRAVAS LUGAR: Auditorio municipal. HORA: 20:30 DATA: Sábado 20 de novembro III Premio Luísa Villalta da Deputación de Coruña Isabel Risco protagoniza Bravas, o seu segundo espectáculo
Orientación Laboral Entidade colaboradora do Servizo Público de Emprego de Galicia. Teléfonos: 981-88.90.00 E-mail: orientacion.laboral@valdodubra.gal Horario de atención ó público: 09.00-15.00 horas ( Luns a vernes) -Finalidade do servizo:
SUSPENDIDO MERCADO DE NAD... MERCADO DE NADAL-FEIRA DE 2ª MAN SUSPENDIDO Por motivo do aumento de casos de Covid-19 nos últimos dias, por seguridade procédese á cancelación do Mercado de Nadal
RESULTADO CONCURSO POSTAI... O DÍA 21/12/2019 FARASE ENTREGA DOS PREMIOS ÁS 12.00 HORAS NO SALÓN DE PLENOS DO CONCELLO. Prema na seguinte ligazón.acta postais nadal
DOA SANGUE AGOSTO BEMBIBRE A3  
CHARLA INFORMATIVA SOBRE ... As novas tecnoloxías, xa están en funcionamento. Se queres realizar todos os teus trámites administrativos relacionados coas distintas administracións sen ter que moverte da casa, anótate na
COMPOSTELA RUPESTRE Compostela Rupestre («Onde as rochas falan») Versión extendida en galego: Versión curta: Versión extendida en castelán: Versión extendida en inglés: Mais información: https://compostelarupestre.gal/    
OS BOLECHAS
OS BOLECHAS Aprazado ata novo aviso dada a situación actual do COVID-19
CAMPAMENTOS DE VERÁN 202...
PAN DE VAL DO DUBRA O SABOR DE SEMPRE PAN DE VAL DO DUBRA: O SABOR DE SEMPRE O saber facer dos panadeiros do concello de Val Do Dubra a calidade dos
SANEAMENTO Á NIVEIRO AMPLIACIÓN REDE DE SANEAMENTO Á PARROQUIA DE NIVEIRO Orzamento: 62.500 €  
MUU CRUNCH Crunch! é un espectáculo de novo circo, de vellos amigos, de clown, de malabares diarios para chegar a fin de mes, de saltos mortais, de golpes e caídas
ABASTECEMENTO A CARLEXO E... AMPLIACIÓN E MELLORA ABASTECEMENTO A CARLEXO E BUIRO (RIAL) Orzamento: 51.652,89+IVE    
OBRADOIRO MOCIDADE 2020 listaxe_def_director_16092020_131521 listaxe_def_administrativo_16092020_131548 listaxe_def_titor_16092020_131614 listaxe_def_alumnos_16092020_131447 listaxe_def_albañileria_16092020_131708 listaxe_def_xardineria_16092020_131642     VALORACIÓN MÉRITOS ALUMNOS  
GALICIA LE Se non tés carné de biblioteca, agora podes rexistrarte e enviaránche unhas claves, coas que poderás acceder igualmente a eBiblio Galicia e ao Catálogo galego. Unha vez