VAL DO DUBRA CONTRA A VIOLENCIA DE XÉNERO

Val do Dubra contra as violencias.

Val do Dubra concentrouse hoxe diante da casa do concello para protestar pola violencia de xénero. No acto participou a veciñanza e os concelleiros. A concelleira de Servizos Sociais Rosa Parafita Romero leu un manifesto para recordar a lacra na que vive a sociedade actual, a continuación gardouse un minuto de silencio. Cabe destacar que durante dito acto en España aumentou o número de vítimas no que vai de ano, pasando a ser o número oficial de 52. BASTA XA.

Manifesto:

«Dende o concello de Val do Dubra queremos reiterar neste 25 de novembro, o noso compromiso na loita pola erradicación das violencias contra as mulleres e combatelas con todos os recursos o noso alcance. Este ano foron asasinadas 51 mulleres, das cales 5 eran galegas.

A rabia e o desconsolo fannos seguir avanzando contra esta lacra social e empúrranos a vestir de negro, como símbolo de «LOITO» pero tamén de «LOITA» en recordo destas 51 vítimas gardaremos un minuto de silencio e a continuación soltaremos 51 globos en recordo de cada unha delas.

Esperemos que o vindeiro 25 de novembro non sexa preciso soltar ningún globo o cal sería o indicativo de que esta sociedade superou esta lacra social.»