PROGRAMA DE TERMALISMO DO IMSERSO 2021

PROGRAMA DE TERMALISMO DO IMSERSO 2021

PERSOAS BENEFICIARIAS (usuarios/as de praza): Poderán participar neste PROGRAMA DE TERMALISMO, as persoas residentes en España, que reúnan, entre outros, algún dos seguintes requisitos:

    a) ser pensionista de xubilación ou incapacidade permanente do Sistema da Seguridade Social                         español (S. S. S.).

    b) ser pensionista de viuvez, con 55 ou máis anos de idade, do Sistema da Seguridade Social                             español (S. S. S.).

    c) Ser pensionista por outros conceptos ou perceptor de prestacións ou subsidios de desemprego,                   con 60 ou máis anos de idade, do Sistema da Seguridade Social español.

    d) Ser persoa asegurada ou beneficiaria do Sistema da Seguridade Social español, con 65 ou máis                   anos de idade.

As persoas usuarias deberán valerse por se mesmas para realizar as actividades básicas da vida diaria.

Españois/españolas residentes no estranxeiro: Así mesmo, poderán participar neste programa as persoas de nacionalidade española, residentes no estranxeiro, sempre que perciban unha pensión do Sistema da Seguridade Social español e conten coa idade esixida no art. 3.1 da Resolución publicada ó efecto no BOE indicado no 1º parágrafo do presente Bando ou sexan asegurados ou beneficiarios do S.S.S., con idade igual ou superior ós 65 anos, de acordo co previsto no art. 3.1.d) e, en todos os supostos, reunan o resto dos requisitos esixidos ás persoas usuarias no art. 3.2.

Tamén poderán ser adxudicatarios das prazas, como acompañante, o cónxuxe ou, no seu caso, a parella de feito ou persoa coa que se constitúe unha unión estable e de convivencia con análoga relación de afectividade á conxugal, sen necesidade de que estos reúnan algún dos requisitos esixidos no art. 3.1. e en todo caso, cumprindo os requisitos previstos no art. 3.2.

Así mesmo, poderán ser adxudicatarios de praza os fillos con discapacidade, en grao igual ou superior ó 45%, sempre que disfruten a quenda cos seus pais e se aloxen na mesma habitación.

PRAZO DE PRESENTACIÓN DAS SOLICITUDES: ata o 30 de setembro de 2021.

Poden facer a súa solicitude a través da sede electrónica do IMSERSO, para o que deberán cumprimentar o FORMULARIO DE SOLICITUDE WEB e posteriormente proceder ó seu envío dende a Web do Imserso, ou por calquera outro medio dos indicados na convocatoria.

Máis información sobre este programa: nos servizos sociais comunitarios municipais, persoalmente ou mediante chamada telefónica ó núm. : 981889000, premendo no seu teléfono a opción “1” e/ou na WEB DO IMSERSO.

BOE-A-2021-14314

folleto informativo_termalismo

balnearios_rel

solicitud_bal 2021