AXUDAS MENORES DE 35 ANOS (VIVENDAS)

Axudas a menores de 35 anos para a adquisición de vivenda en concellos de menos de 5.000 habitantesi

Normativa

Resolución do 12 de decembro de 2018 pola que se establecen as bases reguladoras das axudas para a adquisición de vivenda do Plan estatal de vivenda 2018-2021, e se procede á súa convocatoria para o ano 2019. (DOG nº 8 do 11/1/2019)

Resolución do 19 de decembro de 2019 pola que se convocan as subvencións para a adquisición de vivenda xestionadas polo IGVS para o ano 2020 (DOG nº 23 do 4/2/2020)

Convoca para o ano 2020 as seguintes liñas de subvencións para a adquisición de vivenda:

  1. Subvencións para a adquisición de vivenda do Plan estatal de vivenda 2018-2021 (en diante, Plan 2018-2021) VI435A.

  2. Subvencións para a adquisición de vivenda nos centros históricos VI400A

Obxecto VI435A

Facilitar ás persoas mozas menores de 35 anos o acceso a unha vivenda en réxime de propiedade situada en concellos de menos de 5.000 habitantes.

Requisitos das persoas beneficiarias e da vivenda

Poderán beneficiarse destas axudas as persoas físicas maiores de idade que, tendo menos de 35 anos na data de presentación da solicitude, reúnan os seguintes requisitos:

  1. Posuír a nacionalidade española ou, no caso de ser estranxeiras, ter a residencia legal en España.

  2. Que os ingresos anuais das persoas que compoñen a súa unidade de convivencia sexan iguais ou inferiores a tres veces o IPREM. Este límite será de catro veces o IPREM se se trata dunha familia numerosa de categoría xeral ou dentro da súa composición existan persoas cunha discapacidade distinta das sinaladas a continuación. O límite será de cinco veces o IPREM cando sexa unha familia numerosa de categoría especial ou na súa composición existan persoas con algunha das seguintes discapacidades:

    • Parálise cerebral, enfermidade mental, discapacidade intelectual ou discapacidade do desenvolvemento, cun grao de discapacidade recoñecido igual ou superior ao 33 %.

    • Discapacidade física ou sensorial, cun grao de discapacidade recoñecido igual ou superior ao 65 %.

  3. Ter subscrito na data sinalada na correspondente convocatoria un contrato privado ou, de ser o caso, unha escritura pública de adquisición dunha vivenda, que reúna os seguintes requisitos:

    • Que a vivenda estea localizada nun concello pertencente ao territorio da CA de Galicia de menos de 5.000 habitantes (tomaranse como referencia as últimas cifras oficiais do padrón municipal de habitantes publicadas polo IGE na data da convocatoria).

    • Que o prezo de adquisición da vivenda, incluídos os seus anexos, sen os gastos e tributos inherentes a ela, sexa igual ou inferior a cen mil euros.

    • Que se trate dunha vivenda xa construída, admitíndose tanto as vivendas novas como as usadas.

  4. Que a persoa solicitante e as demais persoas integrantes da súa unidade de convivencia estean empadroadas na vivenda adquirida no momento de presentación da solicitude, para o caso de que a adquisición fora realizada con anterioridade á data da publicación da convocatoria.

  5. Que a persoa solicitante e as demais persoas integrantes da súa unidade de convivencia se atopen ao día das súas obrigas tributarias estatais e autonómicas e coa Seguridade Social e non teñan pendente ningunha outra débeda, por ningún outro concepto, coa Administración pública da Comunidade Autónoma.

  6. Que nin a persoa solicitante nin as demais persoas integrantes da súa unidade de convivencia estean incursas nalgunha das circunstancias previstas no artigo 13 da Lei 38/2003, do 17 de decembro, xeral de subvencións, e no artigo 10 da Lei 9/2007, do 13 de xuño, así como que non se lles teña revogado, ou fosen obxecto dunha resolución de reintegro dunha axuda prevista neste ou no anterior plan estatal de vivenda, por incumprimento ou causa imputable a aquelas.

  7. Que nin a persoa solicitante nin calquera das persoas integrantes da súa unidade de convivencia sexan propietarias ou usufrutuarias dalgunha vivenda en territorio español. Para estes efectos, non se considerará que se posúe a propiedade ou o usufruto dunha vivenda se o dereito recae unicamente sobre unha parte alícuota desta e foi obtido por transmisión mortis causa. Exceptuaranse deste requisito aquelas persoas que, sendo titulares dunha vivenda, acrediten non ter a súa dispoñibilidade por causa de separación ou divorcio, non poidan habitala por calquera outra causa allea á súa vontade ou que a vivenda resulte inaccesible por razón de discapacidade da persoa solicitante ou de calquera membro da súa unidade de convivencia.

No suposto de adquisición da propiedade da vivenda por máis dunha persoa, cada unha das persoas propietarias deberá cumprir os requisitos sinalados no parágrafo anterior para poder ser beneficiaria da axuda.

Tamén poderán ser persoas beneficiarias aquelas que tendo presentado unha solicitude de subvención para a adquisición de vivenda, ao abeiro de convocatorias inmediatamente anteriores, lle fose denegada por esgotamento do crédito previsto.

Contía das axudas

Será de ata dez mil oitocentos euros por vivenda (10.800 €), co límite do 20 % do prezo de venda, sen incluír os gastos e tributos inherentes a esa adquisición.

No suposto de adquisición da propiedade da vivenda por máis dunha persoa propietaria, o importe da axuda determinarase aplicando a porcentaxe de cota adquirida.

Cómputo dos ingresos para acceder ás axudas

Para a determinación dos ingresos da unidade de convivencia da persoa adquirente partirase da contía da base impoñible xeral e do aforro, reguladas na normativa do IRPF, correspondente á declaración/s presentada/s pola persoa solicitante e por cada unha das persoas integrantes da unidade de convivencia.

Documentación

Solicitude (procedemento VI435A)

  1. De ser o caso, documentación acreditativa da representación da persoa que actúe no nome da persoa solicitante  (neste modelo normalizado ou por calquera outro medio válido en dereito). 

  2. Anexo III, de declaración responsable de composición da unidade de convivencia da persoa solicitante e comprobación de datos. No caso de que unha unidade de convivencia estea composta por máis dunha unidade familiar, deberase cubrir un modelo de anexo II por cada unha delas.

  3. Anexo IV, de declaración responsable da persoa solicitante e das persoas integrantes da súa unidade de convivencia, no caso de non estar obrigados a presentar a declaración do IRPF, acompañado da seguinte documentación:

    • Certificado de retribucións e retencións da empresa ou empresas nas cales estivese de alta no devandito exercicio.

    • Certificado de pensións ou prestacións periódicas, emitido polo correspondente organismo oficial, no caso de non ser outorgadas polo INSS.

    • Certificados bancarios de rendementos do capital mobiliario.

  4. No caso de unidades de convivencia con algún membro con discapacidade, certificado de discapacidade, no suposto de que non fora expedido pola Xunta de Galicia.

  5. No caso de que a persoa solicitante ou calquera das persoas integrantes da súa unidade de convivencia sexan propietarias ou usufrutuarias dalgunha vivenda en territorio español e non poidan dispoñer dela:

    • Convenio regulador de separación ou divorcio ou sentenza que acredite a dita circunstancia, de ser o caso.

    • De ser o caso, documentación que acredite que a persoa solicitante e a súa unidade de convivencia no poden habitar a vivenda familiar por calquera outra causa allea á súa vontade.

    • Informe técnico que xustifique a inaccesibilidade da vivenda por razón da discapacidade da persoa titular e/ou dalgún membro da súa unidade de convivencia, de ser o caso.

  6. Contrato privado de adquisición da vivenda, no caso de non dispoñer da escritura pública.

  7. Escritura pública de adquisición da vivenda, no caso de que fose formalizada con anterioridade á data da presentación da solicitude.

  8. Xustificante de empadroamento conxunto de todas as persoas integrantes da unidade de convivencia na vivenda adquirida, no caso de que a escritura pública de adquisición da vivenda se formalizase con anterioridade á data de presentación da solicitude.

Lugar de presentación

  • Preferiblemente por vía electrónica a través do formulario normalizado dispoñible na sede electrónica da Xunta de Galicia (https://sede.xunta.gal).

  • Tamén se poderán presentar presencialmente por calquera dos medios establecidos no artigo 16.4 da Lei 39/2015, do 1 de outubro.

Prazo de presentación de solicitudes

Rematará o 30 de setembro de 2020 e, en todo caso, no momento do esgotamento do crédito orzamentario.

i Fonte e elaboración: MATIASS

Noticias Similares

LISTADO DEFINITIVO FASE O...
BASES PARA A SELECCION AL... O obradoiro de emprego «OBRADOIRO XÓVENES2019» é un programa de emprego e formación dirixido a mellorar a ocupabilidade das persoas desempregadas, cofinanciado pola Iniciativa de Emprego Xuvenil
SUBVENCIÓNS DEPORTIVAS SUBVENCIÓNS DEPORTIVAS DA DEPUTACIÓN DA CORUÑA PROGRAMA DE SUBVENCIÓNS A ENTIDADES DEPORTIVAS DA PROVINCIA, SEN ÁNIMO DE LUCRO, PARA INFRAESTRUTURAS E EQUIPAMENTO DEPORTIVO DURANTE O ANO 2020
RECURSOS CORONAVIRUS RECURSOS PARA EXPLICARLLES AOS NEN@S O CORONAVIRUS El CobiBook de Manuela Molina (www.mindheart.co): Pequeno libro enfocado a nenos e nenas menores de 7 anos. É un recurso
PROGRAMA ELIXE GALICIA Estadías de lecer para a mocidade, familias e maiores no programa «Elixe Galicia»i Obxecto Subvencionar parcialmente o custo de estadías turísticas, en réxime de concorrencia non competitiva,
CICLO DE CHARLAS XUNTOS N...
AXUDAS PROGRAMA INICIATIV... Axudas do programa Iniciativa Xovei Obxecto Cofianciar a posta en marcha de iniciativas xuvenís, entendidas estas como proxectos liderados pola mocidade da CA de Galicia, que se
OBRADOIRO DE AUTOESTIMA
TALENTIA SUMMIT 19 O próximo luns 21 de outubro de 2019 comeza Talentia Summit ’19 cunha duración de tres días consecutivos. Este evento persegue tres grandes obxectivos para esta nova
ANUNCIO DE EXPOSICIÓN P... EXPOSICIÓN PÚBLICA DOS PADRÓNS FISCAIS – 2019 A Presidencia da Deputación aprobou os padróns fiscais dos seguintes impostos dos concellos que delegaron a xestión tributaria e recadatoria:
BASES PARA A PROVISIÓN E... BASES PARA A PROVISIÓN EN RÉXIME DE PERSOAL LABORAL TEMPORAL DUN CAPATAZ, UN PEÓN-CONDUTOR E TRES PEÓNS FORESTAIS PARA A CREACIÓN DUNHA BRIGADA DE PREVENCIÓN E DEFENSA
CAMPAMENTO DE CONCILIACI... Descargar Bases: Bases Descargar Normas: Normas Descargar Solicitude: Solicitude
ENCONTRO MOSTRA ASOCIATIV... XUVENTUDE: 11º EMAX: «Encontro mostra asociativa xuvenil Galicia-Norte de Portugal»   A Xunta de Galicia, a través da Dirección Xeral de Xuventude, Participación e Voluntariado da Consellería
TRANSFORMACIÓN E CONSERV...   A Asociación Terras de Compostela, está organizando un Plan de formación de “TRANSFORMACIÓN E CONSERVACIÓN DE PRODUCTOS AGRARIOS”. A formación vai dirixida a poboación activa do
ALERTA LARANXA POR VENTO ALERTA LARANXA POR VENTO (NOTA DA AXEGA-112 GALICIA) Desde: 20 Decembro, 2019 – 15:00 A Xunta activa a alerta LARANXA EN TODA A COMUNIDADE por ventos moi fortes, que
TARXETA DO PARO Emprego Galicia, en coordinación co Servicio Público de Empleo Estatal (SEPE), acordou o seguinte: NON será necesario renovar a demanda de emprego ata o día 30 de
AXUDAS MENORES DE 35 ANOS... Axudas a menores de 35 anos para a adquisición de vivenda en concellos de menos de 5.000 habitantesi Normativa Resolución do 12 de decembro de 2018 pola
AVISO IMPORTANTE AVISO Este Concello de Val do Dubra ten constancia que nestas últimas semanas hai empresas de fóra ofrecendo, polos domicilios, produtos aparentemente moi baratos. O persoal destas
OUTONO CULTURAL 2019: O F... Obra de teatro para todos os públicos, o vindeiro 23 de novembro ás 20:30 no auditorio municipal de Bembibre (Val do Dubra). Obra do circuíto cultural da
PREMIOS L’Oréal-UNESCO Premios L’Oréal-UNESCO a Mulleres na Ciencia Desde 1998, a UNESCO e a Fundación Empresarial L’ ORÉAL apostan por promover os traballos realizados por científicas que contribúen a afrontar