Voluntarios da AVPC de Val do Dubra reciben a Cruz ao Mérito de Protección Civil polo seu labor na Operación Moncada pola súa axuda na DANA

na DANA

Hoxe, 1 de marzo, Día Mundial de Protección Civil, un grupo de voluntarios da Agrupación de Protección Civil de Val do Dubra desprázase a Moncada (Valencia) para recibir a Cruz ao Mérito de Protección Civil con Distintivo Vermello.

A alcaldesa de Moncada, Amparo Orts, concede esta distinción aos 4 voluntarios dubreses que participaron na Operación Moncada, onde prestaron axuda ás poboacións máis afectadas pola DANA, en recoñecemento á súa colaboración.

Os voluntarios da AVPC de Val do Dubra, José Antonio Parcero Casas, Ignacio Viña García, Uxío Blanco Gándara e Jesús García Rodríguez viaxan acompañados polo alcalde de Val do Dubra, Diego Luis Díaz Méndez, para asistir ao acto de entrega que coincide neste primeiro de marzo, Día do Voluntariado de Protección Civil. Este recoñecemento premia o labor solidario que desempeñaron en zonas gravemente afectadas, como Paiporta, Catarroja e Alfafar, onde achegaron asistencia esencial á poboación.

O alcalde de Val do Dubra destaca a importancia deste galardón para unha agrupación de Protección Civil dun concello pequeno e agradece á alcaldesa de Moncada Amparo Orts e a súa Corporación a posta en valor do traballo dos voluntarios galegos así como a confraternidade entre municipios.

Ademais, Díaz expresa o seu orgullo e recoñecemento a todos os voluntarios e voluntarias de Protección Civil de Val do Dubra, cuxa dedicación “permite atender as necesidades da veciñanza e garantir o bo desenvolvemento de eventos e actividades no municipio, sendo parte esencial na organzación e día a día dos dubreses e dubresas”.

No acto participaron ademais a Delegada do Goberno na Comunidade Valenciana, Pilar Bernabé; a directora xeral de Protección Civil, Virginia Barcones; e o alto comisionado do Goberno para la reconstrución da dana, José María Ángel.