VIVIR EN VAL DO DUBRA

VIVIR EN VAL DO DUBRA

Nestes días que temos que permanecer na casa, debido a prórroga do confinamento derivado do estado de alarma, dende o Concello de Val do Dubra propoñémoslle á veciñanza participar en dous proxectos de recollida de imaxes.

VIVIR EN VAL DO DUBRA: Viaxe polo pasado dubrés.

Posto que nestes días dispoñemos de algo de tempo, é o momento de rebuscar nos caixóns e recuperar eses recordos do pasado. Propoñémosvos buscar fotografías antigas de como era vivir no Concello e compartilas cos veciños. Aquelas imaxes de como se celebraban aquí as festas, de acontecementos importantes no concello, etc. Publica as imaxes en facebook cos cancelos #vivirenvaldodubra, #viaxepolopasadodubres, etiquetando o Concello de Val do Dubra (VAL DO DUBRA). Ou se o prefires podes envialas ao correo electrónico vivirenvaldodubra@gmail.com  e desde o Concello publicarémolo.

VIVIR EN VAL DO DUBRA: Val do Dubra queda na casa.

Debido a situación que vimos vivindo, e na que teremos que continuar por un tempo, a imaxinación ábrese  camiño nas nosas casas e axúdanos a levar o confinamento día a día. Por iso vos propoñemos compartir cos nosos veciñ@ esas actividades que estamos a realizar, sobre todo cando nas casas hai pequen@s. Imaxes ou información dos recursos que podemos empregar, de actividades para facer, etc., para aportar ideas e axudarnos entre todos a facer esta situación máis levadeira. Publica unha fotografía ou un vídeo (máximo 2 minutos de duración), en facebook coas etiquetas #vivirenvaldodubra, #valdodubraquedanacasa, etiquetando o Concello de Val do Dubra (VAL DO DUBRA). Ou se o prefires podes envialas ao correo electrónico vivirenvaldodubra@gmail.com  e desde o Concello publicarémolo.

Informámosvos de que ao participar en calquera destes dous proxectos, mostras a túa conformidade coa difusión de ditas imaxes nas redes sociais do Concello de Val do Dubra.