Val do Dubra festexa un Entroido con afluencia de participación e reparte preto de 2.600€ en premios no Concurso de Disfraces

O concurso de disfraces de Val do Dubra 2025 encheu as rúas de cor, creatividade e bo ambiente nunha xornada marcada pola alegría e a participación nesta xornada de sábado. Desde as comparsas ata os disfraces individuais e de parellas, todos os asistentes demostraron un gran esforzo e orixinalidade nas súas propostas.

A tarde comezou co tradicional pasarrúas a cargo da charanga Os Celtas, seguido do desfile de comparsas e disfraces, que percorreu o municipio ao ritmo da música e das gargalladas do público. O concurso de disfraces foi o prato forte do evento —conducido pola mestra de cerimonias Salomé Beiroa— contou con variedade de participantes que sorprenderon por súa imaxinación e coidado nos detalles. O xurado, composto por Javier Noya (ANPA de CPI Bembibre), José Antonio Domínguez (Presidente Club Xadrez) e Vanesa Antelo (presidenta ANPA de Portomouro) determinou a seguinte clasificación:

GAÑADORES DO CONCURSO DE DISFRACES 2025

COMPARSAS 

1º Premio – O Feirón (900 €)

2º Premio – Os Estrellados (700 €)

3º Premio – Estelas Dubresas (300 €)

Ademais, tamén participaron as comparsas Val do Drag, Os Kronenbourg, As Feiras do Abril, Los Simpsons, Carnaval Dubra – Sil, e Fregonas Marchosas, todas elas cun alto nivel de creatividade e espectáculo.

INDIVIDUAL 

1º Premio – Pedro Picapiedra e o Troncomóbil   (200 €)

2º Premio – Furbi Molón (150 €)

3º Premio – Sindaca di Venezia (80 €)

PARELLAS 

1º Premio – Residencia Dubra (200 €)

2º Premio – Xubilados ao sol (150 €)

3º Premio – Azúcar Moreno (80 €)

A festa continuou co animado baile de disfraces a cargo do Trío Aché, que puxo o broche de ouro a un Entroido inesquecible. Desde o Concello de Val do Dubra, queremos agradecer a participación de todas as comparsas, parellas e disfraces individuais que fixeron deste evento unha celebración espectacular.

E lembramos que a troula continúa o martes 4 de marzo co Entroido Infantil no Pavillón Municipal, con desfile, festa con inchables e a tradicional Queima do Meco.

Que siga a festa en Val do Dubra!