Subvencións a proxectos de voluntariado de entidades de acción voluntaria e locais dirixidos á mocidade
Este programa consiste en incorporar ás entidades de acción voluntaria e ás entidades locais inscritas no Rexistro de Acción Voluntaria de Galicia, mozos/as galegos/as para a súa colaboración como voluntarios/as na realización dos proxectos de voluntariado
Proxectos subvencionables
Serán subvencionables os proxectos de acción voluntaria presentados por entidades de acción voluntaria e entidades locais sempre que a dita acción voluntaria a desenvolvan mozos/as de idades comprendidas entre os 16 e os 30 anos no momento do sorteo de prazas e alta no seguro; para os menores de 18 anos precísase, ademais, autorización do pai/nai ou titor/a legal, e que se realicen no ámbito territorial da Comunidade Autónoma de Galicia, prioritaria pero non exclusivamente, nalgunha das seguintes áreas:
- Actividades relacionadas co Camiño de Santiago.
- Actividades de recuperación da cultura/arte/tradicións populares galegas.
- Actividades con colectivos en situación de risco.
- Actividades xuvenís.
- Actividades ambientais.
- Actividades relacionadas coa igualdade de xénero.
- Posta en marcha de programas de voluntariado no ámbito familiar por parte das entidades.
- Actividades relacionadas coa posta en valor do medio rural.
- Actividades relacionadas co benestar das persoas maiores.
- Actividades relacionadas co Pacto de Estado en materia de violencia de xénero: accións de sensibilización e prevención da violencia de xénero (campañas diversas), promoción de actividades de apoio ás vítimas, información, formación, entre outras medidas, do documento refundido de medidas do Pacto de Estado en materia de violencia de xénero.
PRAZO PARA ANOTARSE DO 04 AO 11 DE XULLO AS 14 HORAS NA OFICINA DE INFORMACIÓN XUVENIL, EN CASO DE QUE TEÑAMOS MAIS MOZOS/AS QUE PRAZAS FARASE UN SORTEO AS 12 HORAS DIANTE DO SECRETARIO DO CONCELLO O DIA 12 DE XULLO
