Reunión de urxencia en Val do Dubra despois de recibir a sentenza xudicial que confirma a compatibilidade urbanística do Vertedoiro de

O Concello de Val do Dubra reuniuse coa plataforma de veciños creada por mor do proxecto do vertedoiro de Niveiro despois de recibir un oficio xudicial que obriga ao cumprimento da sentencia do contencioso administrativo da Coruña o que obriga a buscar novas alternativas que abran camiño para seguir adiante coa negativa e paralización do proxecto.

A decisión xudicial, que ratifica a resolución do contencioso administrativo, obriga ao Concello a levar a efecto o que en ela se resolvía.

Así, celebrouse unha reunión extraordinaria, en que participaron o alcalde Diego Luis Díaz, os voceiros do Concello; Carmen Vilacoba (PSOE), Antonio Negreira (Anova) e José Manuel Varela (PP); xunto con membros da “Asociación Medioambiental de Niveiro” e na que foron acordados os próximos pasos a seguir:

Por un lado, acordouse realizar novas mobilizacións á vez que se contará con apoio legal especializado que poida dar resposta nos futuros trámites.

Tanto os representantes do Concello como os da plataforma manifestaron a súa determinación en buscar alternativas que den visibilidade a este grave problema que afecta á toda a veciñanza do Concello e concellos limitrofes.

Aínda que a vía xudicial, neste trámite inicial e en relación á compatibilidade urbanística resultou contraria aos intereses do municipio, esta notificación abre espazo para explorar outras propostas especialmente no ámbito social. 

A pesar dos desafíos impostos pola sentenza, tanto o Concello como a plataforma do Vertedoiro de Niveiro comprométense a continuar traballando en conxunto para poder frear a implantación do vertedoiro de Niveiro. O asunto permanece como unha prioridade para ambos e continuarán colaborando estreitamente para enfrontar os retos que poidan xurdir no transcurso do proceso.