Programa de Termalismo IMSERSO tempada 2026

BANDO

Diego Luís Díaz Méndez, alcalde deste concello de Val do Dubra,

FAGO SABER: Que o IMSERSO vén de convocar a concesión de prazas para pensionistas, que desexen participar no PROGRAMA DE TERMALISMO da Tempada 2026.

PERSOAS BENEFICIARIAS (usuarios/as de praza):

Poderán participar neste PROGRAMA DE TERMALISMO, as persoas residentes en España, que reúnan, entre outros, algún dos seguintes requisitos:

1. Ser pensionista de xubilación ou incapacidade permanente do Sistema da Seguridade Social Español.
2. Ser pensionista de viuvez, con 55 ou máis anos de idade, do Sistema da Seguridade Social Español.
3. Ser pensionista por outros conceptos ou perceptor de prestacións ou subsidios de desemprego, con 60 ou máis anos de idade, do Sistema da Seguridade Social Español.
4. Ser asegurado/a ou beneficiario/beneficiaria do Sistema da Seguridade Social Español.

Españois/españolas residentes no estranxeiro:

Así mesmo, poderán participar neste programa as persoas de nacionalidade española, residentes no estranxeiro, sempre que perciban unha pensión do Sistema da Seguridade Social Español e conten coa idade esixida ou sexan asegurados ou beneficiarios da Seguridade Social Española con idade igual ou superior ós 65 anos.

Tamén poderán ser adxudicatarios das prazas, como acompañante, o cónxuxe ou, no seu caso, a parella de feito ou persoa coa que se constitúe unha unión estable e de convivencia con análoga relación de afectividade á conxugal, sen necesidade de que estes reúnan algún dos requisitos esixidos.

Así mesmo, poderán ser adxudicatarios de praza os fillos con discapacidade, en grao igual ou superior ó 45%, sempre que desfruten a quenda cos seus pais e se aloxen na mesma habitación.

PRAZO DE PRESENTACIÓN DAS SOLICITUDES:

• Antes do 4 de decembro de 2025, para as quendas dos meses de febreiro a agosto.
• Antes do 15 de maio do 2026, para as quendas dos meses de setembro a decembro.

Mais información nos servizos sociais comunitarios municipais.

O que se fai público para xeral coñecemento.

En Val do Dubra, a 4 de novembro de 2025.

O alcalde

Asdo. Diego Luís Díaz Méndez