Programa da Xunta de Galicia «Xuntos polo Nadal»

PROGRAMA “XUNTOS POLO NADAL”
A Consellería de Política Social e Igualdade, a través da Dirección Xeral de Maiores e Atención Sociosanitaria organiza este programa de promoción do envellecemento activo e convivencia, destinado ás persoas maiores que se atopen soas nestas datas, sexa por carencia de familiares ou amigos, perda do seu cónxuxe ou por outras circunstancias.

Prazas e destinos

Ofrécense un total de 270 prazas distribuídas do seguinte xeito:

–Residencia de Tempo Libre de O Carballiño (Ourense)
130 prazas totais para as persoas solicitantes das provincias de Pontevedra e Lugo, distribuídas proporcionalmente segundo poboación:

Pontevedra: 97 prazas
Lugo: 33 prazas

— Residencia de Tempo Libre de Panxón, en Nigrán (Pontevedra)
140 prazas totais para as persoas solicitantes das provincias da Coruña e Ourense, distribuídas proporcionalmente segundo poboación:

A Coruña: 110 prazas
Ourense: 30 prazas

Datas e servizos
Este programa levarase a cabo entre o día 23 de decembro de 2025 e o día 7 de xaneiro de 2026, en tres quendas diferentes, das que só se poderá elixir unha:

• 23 de decembro de 2025 ao 7 de xaneiro de 2026 (16 días)
• 23 ao 30 de decembro de 2025 (8 días)
• 31 de decembro de 2025 ao 7 de xaneiro de 2026 (8 días)

O programa inclúe os seguintes servizos:

• Estancia na residencia durante 16 días (15 noites) ou 8 días (7 noites).

• Aloxamento en habitacións compartidas e manutención en réxime de pensión completa. Só se autorizará o aloxamento en habitacións individuais mediante informe médico que acredite a súa necesidade.

• Desprazamento en autobús dende os lugares que se establezan nas localidades que corresponda :
  – Saídas á Residencia de Tempo libre de Panxón (Nigrán) dende as localidades de Ferrol, A Coruña, Santiago de Compostela e Ourense.
  – Saídas á Residencia de Tempo libre do Carballiño (O Carballiño): dende as localidades de Lugo, Pontevedra e Vigo.

• Actividades de animación sociocultural.
  

A recollida das persoas participantes efectuaranse os día 23 e 31 de decembro,e a volta os días 30 de decembro e 7 de xaneiro respectivamente, despois do almorzo.

Persoas beneficiarias:
a) Ter 60 anos cumpridos no momento en que remate o prazo de presentación de
solicitudes.
b) Estar empadroadas nalgún concello galego.
c) Vivir soas no seu domicilio e ter que pasar só/a as datas do Nadal.
d) Valerse por si mesmo e non padecer enfermidade transmisible con risco de
contaxio, nin trastornos mentais ou de conduta, que poidan alterar a convivencia
durante o transcurso da estadía.
Recoméndase estar vacinado fronte a COVID-19 e a GRIPE segundo o calendario
sanitario vixente.
Para a selección das persoas participantes daráselle preferencia ás persoas que:

Perderan ao seu cónxuxe ou persoa coa que convivisen nos últimos dous anos.

Teñan máis idade

Non participaran no Programa Xuntos polo Nadal en pasadas edicións.

Solicitudes:
As solicitudes, acompañadas do informe social e da declaración responsable, formularase nos modelos establecidos ao efecto e estarán debidamente cubertas e asinadas pola persoa que corresponda.
Estes impresos están á disposición das persoas interesadas na páxina web

https://politicasocial.xunta.gal/gl

Prazo e lugares de presentación de solicitudes:
Desde o día 11 de novembro ata o día 25 de novembro de 2025 (ambos incluídos)
As solicitudes presentaranse preferiblemente por vía electrónica a través do formulario normalizado PR004A, dispoñible na sede electrónica da Xunta de Galicia, no seguinte enderezo:
https://sede.xunta.gal/detalle-procedemento?codtram=PR004A&ano=2025&numpub=1&lang=es

Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario/a e clave Chave365
(https://sede.xunta.gal/tramites-e-servizos/chave365).
Opcionalmente, poderanse presentar de forma presencial en calquera dos lugares e rexistros establecidos na normativa reguladora do procedemento administrativo común e dirixiranse ao departamento territorial correspondente en función do ámbito territorial do solicitante.

Prezo da praza:

As persoas participantes asistirán de forma gratuíta ao programa.
Os gastos de desprazamento desde o domicilio dos adxudicatarios ata o lugar de saída que se indique nas localidades de Ferrol, A Coruña, Santiago, Lugo, Ourense, Pontevedra ou Vigo e viceversa serán por conta da persoa participante.

Documentación:

As persoas ás que se lle adxudique praza terán que confirmar a súa asistencia e, no momento de incorporarse ao programa, ir provistas de:
* DNI ou pasaporte en vigor.
* Deberá aportarse informe médico actualizado e detallado no caso de padecer algunha limitación, enfermidade ou condición que requira atención específica (control sanitario, tratamento farmacolóxico, alimentación, accesorio de apoio ou outras medidas de adaptación).
Unicamente se admitirá a solicitude de habitación individual cando un informe médico oficial, emitido por un especialista do sistema público de saúde, xustifique de forma expresa e fundamentada a necesidade por razons médicas graves ou de risco sanitario. En ausencia da devandita acreditación, non se prestará ningún tipo de atención especial nin se asignará habitación individual.
* Tarxeta sanitaria, medicación habitual necesaria e/ou accesorios para o transcurso da estadía.
* Roupa cómoda.

Observacións:

O abandono do programa agás por forza maior leva consigo a imposibilidade de participar en futuras edicións.
Para máis información poden consultar a páxina web da Consellería de Política Social e Igualdade, ou dirixirse a:

Consellería de Política Social e Igualdade
Subdirección Xeral de Envellecemento Activo e Prevención da Dependencia e
Innovación Sociosanitaria.
Edificio Administrativo San Caetano, s/n. 15781 Santiago de Compostela.
Teléfonos: 981547437 / 881999183
Correo electrónico: subxeaiss.politicasocial@xunta.gal
O Teléfono Social: 900 333 666 (gratuíto).

Departamentos Territoriais da Consellería de Política Social e Igualdade
Servizos de Dependencia e Autonomía Persoal
Rúa Concepción Arenal, 7-9. 15006 A Coruña.
Teléfono: 881 881 536

Rúa Serra de Ancares, 68 baixo. 27003 Lugo
Teléfonos: 982 889 136 – 982 889 160

Rúa Concello, 4. 32003 Ourense
Teléfono: 988 788 111

Praza da Estrela, s/n – 3o Andar. 36201 Vigo
Teléfono: 986 817 214

Os centros socio comunitarios da Consellería de Política Social e Igualdade
Os servizos sociais comunitarios dos concellos, así como os departamentos de servizos sociais de atención primaria, de atención especializada de saúde ou dos hospitais.