O Concello de Val do Dubra pon en marcha o servizo de préstamo de axudas técnicas para o apoio á mobilidade de persoas con escasos recursos

A axuda está dirixida a persoas con limitacións funcionais graves e aquelas que atravesan períodos temporais de mobilidade reducida que contan con menor número de recursos económicos

O Concello de Val do Dubra pon en marcha o servizo de préstamo de axudas técnicas para o apoio á mobilidade. O servizo, gratuíto e de carácter municipal, ten como obxectivo proporcionar axudas técnicas a persoas con dificultades de mobilidade, discapacidade ou en situación de dependencia, co fin de mellorar a súa calidade de vida e favorecer a súa permanencia no entorno familiar así como facilitar o traballo dos seus coidadores. 

Estas axudas consisten no préstamo de diferentes dispositivos e aparellos, moitos de carácter ortopédico e técnico, que axudarán aos usuarios e coidadores nas tarefas cotiás de apoio á mobilidade como a transferencia e traslado dos usuarios, aseo, coidado…

Entre os principais beneficiarios figuran persoas con limitacións funcionais graves e aquelas que atravesan períodos temporais de mobilidade reducida ben sexa por accidente, intervención cirúrxicas. O período de préstamo será de máximo 12 meses para casos de dependencia e de 6 meses no caso de usuarios con mobilidade reducida temporal; transcurrido o prazo de préstamo só se podería pedir prórroga en casos excepcionais, debidamente xustificados e formalizando de novo unha solicitude.

O servizo será xestionado polos Servizos Sociais municipais, en función da dispoñibilidade do material. Son axudas destinadas a usuarios en situación ou risco de exclusión social; farase unha valoración da renda per cápita da unidade familiar, que deberá ser menor ao 150% do IPREM e do 1,5% dos ingresos, no caso de que a persoa viva soa.

As solicitudes poderán presentarse no rexistro xeral do Concello de Val do Dubra ou a través da sede electrónica, e o prazo de resolución será como máximo de un mes dende a súa presentación. Deberán ser entregados documento de solicitude, contrato e documento de compromiso de devolución que pode descargarse na web do concello.

O servizo non terá custo algún para os beneficiarios que cumpran os requisitos, destacando o compromiso do Concello de Val do Dubra por garantir o acceso igualitario aos coidados sociosanitarios.