O Concello de Val do Dubra contrata un peón de obras públicas ao abeiro dun programa de emprego xuvenil

O Concello de Val do Dubra realizou a contratación dun traballador como peón de obras públicas por un período de nove meses a xornada completa, ao abeiro da Orde do 13 de agosto de 2025, pola que se aproban as bases reguladoras para a concesión de subvencións destinadas á contratación de persoas mozas inscritas no Sistema de Garantía Xuvenil.

Esta actuación conta cunha axuda concedida de 16.380,09 euros, destinada a facer posible a dita contratación, e está financiada nun 60 % pola Unión Europea, no marco do Programa FSE+ Galicia 2021-2027, dentro do Obxectivo Político 4: “Unha Europa máis social e inclusiva, por medio da aplicación do piar europeo de dereitos sociais”, e da Prioridade 5: Emprego Xuvenil.

O obxectivo específico desta iniciativa é mellorar o acceso ao emprego e ás medidas de activación das persoas demandantes de emprego, especialmente das persoas mozas, a través da Garantía Xuvenil, así como dos desempregados de longa duración, dos colectivos desfavorecidos no mercado laboral e das persoas inactivas. Ademais, promóvese o emprego por conta propia e o impulso da economía social.

Con esta contratación, o Concello de Val do Dubra reafirma o seu compromiso coa creación de oportunidades laborais para a mocidade e coa mellora da empregabilidade no ámbito local.