O Concello de Val do Dubra aproba en
pleno as obras do Plan Único de Concellos

O Concello de Val do Dubra aproba en pleno as obras do Plan Único de Concellos Esta mañá o Concello de Val do Dubra celebrou un pleno para aprobar as obras incluídas no Plan Único de Concellos (Plan provincial de cooperación as obras e servizos de competencia municipal POS+ Adicional 2B/2024).
O Goberno municipal levou como propostas as seguintes:

● Mellora do acceso a Rial, que inclúe a mellora nas inmediacións na Igrexa Parroquial de San Vicente de Rial ata o cruceiro, así como do treito que comunica coa pista do cemiterio. (48.669,59 euros)

● Mellora de varios viarios de Portomedal, Vilar e Xermán (111.418,59 euros) A mellora consistirá nun tratamento asfáltico superficial e rego de selado, previo bacheo con grava e tratamento asfáltico, ademais de limpeza de gabias e salvagabias.

● Ademais, vólvese aprobar con determinadas modificacións, técnicas o proxecto de dotación de rede de saneamento Gontar (110.562,62 euros) O groso da intervención será a canalización de 495 m. de tubería e máis a execución de 18 pozos de rexistro e 22 arquetas para conexións.

As propostas presentadas foron aprobadas por maioría, con 9 votos a favor: 3 do PSOE, 3 de Anova e 3 votos do PP.