CENTROS EDUCATIVOS DE VAL DO DUBRA CO SERVIZO DE MADRUGADORES
- CEIP PLURILINGÜE “XACINTO AMIGO LERA”
– Horario: 7.30 a 9.30 horas
– Lugar: O propio centro educativo (Portomouro)
– Número de prazas máximo 10
– Inclúe servizo de almorzo
- CPI DE BEMBIBRE
– Horario: 7.15 a 9.15 horas
– Lugar: Centro de formación (Bembibre)
– Número de prazas máximo 15
– Inclúe servizo de almorzo
En que consiste e para quen vai dirixido?
O servizo de madrugadores está organizado polo Concello de Val do Dubra no marco do Convenio de colaboración coa Consellería de Educación para prestar un servizo ás familias con menores a cargo, que favoreza a conciliación da vida laboral, familiar e persoal, e a adquisición de valores e hábitos saudables desde a infancia.
O Concello de Val do Dubra ten fixado dentro das súas prioridades de actuación e, nomeadamente, no que respecta ás súas competencias e políticas socioeducativas, de igualdade e infancia, a promoción e materialización de medidas orientadas a facilitar a conciliación laboral e familiar da súa veciñanza; e, entre estas, aquelas que teñan por obxecto que as unidades familiares poidan compatibilizar os seus horarios laborais cos escolares/lectivos das súas crianzas. E con tal finalidade preténdese ofertar un servizo municipal orientado a garantir estas necesidades de conciliación, e que se ten concretado, ata o de agora, no servizo de “Madrugadores” e que ten por obxecto facilitar, durante os días lectivos do curso escolar, a conciliación familiar e laboral dos pais e nais dos alumnos/as admitidos/a en dito centro, de xeito que contén cun servizo de coidado e atención durante un máximo das dúas horas anteriores ao inicio da xornada escolar, período durante o cal realizarán actividades lúdico-educativas variadas e poderán ademais recibir o almorzo.
Cal é o seu custo?
PREZO DO SERVIZO (https://sede.dacoruna.gal/subtel/ordenanzas/ordenanza/14434)
Prezo xeral (por usuario/a):
· 55 euros/mes
· 3 euros día (no caso de usuarios por días)
Prezo por 2º usuario/a:
· 2º usuario/a dunha mesma unidade familiar: 30 euros/mes
· Non se aplicará aos/ás usuarios/a por días
Prezo por 3º usuario/a e seguintes:
· 3º e seguintes usuarios/as dunha mesma unidade familiar: 0 euros/mes
· Non se aplicará aos/ás usuarios/a por días
Como solicito praza e me inscribo no servizo Madrugadores?
Deberase cumprimentar unha solicitude xeral e adxuntar o formulario para a reserva de praza no servizo de Madrugadores. O prazo para presentar a reserva será do 1 ao 30 de xuño.
Unha vez aberto o prazo de inscrición (Matrícula, a partir 1 de setembro) poderá formalizarse co seguinte formulario.