Gañadoras do Certame de debuxos e relatos ou poemas convocado polo Concello de Val do Dubra co gallo do Día das Letras Galegas

Os participantes deste certame presentaron os seus traballos nos que expresaron, de xeito xenuíno, como ven a lingua galega. 

Na categoría de debuxos, que abarcaba idades dos 3 aos 6 anos, gañou o traballo de Ariana Fernández Rey, que coas súas témperas achegounos unha imaxe de Luísa Villalta, homenaxeada nestas Letras Galegas 2024.

Na categoría de relatos ou poemas de 7 a 13 anos gañou María Baña Lorenzo, cun relato reivindicativo da figura de Rosalía de Castro, pero tamén coa importancia de escribir na lingua propia e de ser fiel a un mesmo e non deixarse influír pola multitude.

Na categoría de relatos de 14 a 17 anos gañou o poema de María Gigirey Otero, que reflexiona sobre o paso do tempo co tópico do “tempus fugit” e encontra nos versos o descanso da súa mente. 

Na categoría de adultos acadou o primeiro posto o relato de María Elena Gómez Gómez que reflexiona sobre a identidade galega e o seu nexo coa terra, as tradicións, os cantos e, por suposto, a lingua propia. 

Os gañadores recibiron vales para trocar por libros en galego na Librería Ler da localidade como premio e poden visualizarse nas ligazóns dos nomes das gañadoras desta publicación.

Acta do concurso