ESPAZO DE AUTORREPARACIÓN

“CREACIÓN DUN ESPAZO DE AUTORREPARACIÓN
E INTERCAMBIO DE OBXECTOS E UTENSILIOS DIVERSOS NO CONCELLO DE VAL DO DUBRA”

O Concello de Val do Dubra implantará no municipio un espazo de autorreparación e intercambio de obxectos e utensilios diversos.

Ten por obxecto poñer a disposición da cidadanía un espazo municipal de autorreparación e intercambio de obxectos e utensilios diversos, para conformar unha rede galega de establecementos públicos destinados á preparación para a reutilización, coa finalidade de alongar a vida útil dos materiais e obxectos, previndo a xeración de residuos domésticos.

Servirá de ferramenta para poder rescatar unha gran cantidade de residuos que normalmente poderían ser depositados erroneamente dentro da fracción “resto” ou no punto limpo do Municipio, en condición de desperdicios.

Entre os materiais susceptibles de aproveitamento, reciclaxe e valorización, estarían: mobles, electrodomésticos, roupa ou xoguetes, entre outros.

Dentro deste espazo público, pódense diferenciar tres tipos de actividades:

• Autorreparación: nas especialidades de carpintería, electricidade e téxtil.
• Intercambio de obxectos.
• Sensibilización ambiental.

Entre os obxectivos que se pretenden acadar ca implantación do taller de autorreparación:

• Implicar ás persoas nas actuacións de xestión de residuos, maximizar a implicación e os coñecementos da poboación e dos xestores implicados.
• Mellorar a cantidade, a calidade e a posibilidade de acceso ós recursos didácticos e a outras ferramentas para a educación ambiental no ámbito dos residuos. Fomentarase a estratexia para obter materiais de calidade que teñan saída no mercado do reciclaxe. Deste xeito pódese potenciar dito mercado da reciclaxe.
• Potenciar a utilización dos servizos a demanda ofrecidos polo concello
• Implantar unha economía circular, mediante un novo sistema económico e social, no que prima o aproveitamento dos recursos e reducción das materias primas.
• Iniciación dos veciños da localidade, na recuperación e reparación de obxectos, para dar unha segunda vida os aparellos.
• Promover unha forma máis responsable do consumo.

Para isto, acondicionarase o local situado na Rúa Arcai 30 Es:1 Pl:-1 Pt:A, mediante obras de revestimentos e acabados, dotando ao establecemento do equipamento necesario para poder desenvolver as actividades que se propoñen.

A actuación acóllese a ORDE do 7 de xuño de 2022 pola que se establecen as bases reguladoras para a concesión de axudas a entidades locais de Galicia para o financiamento de actuacións destinadas ao fomento da prevención, reutilización e recollida en proximidade de residuos municipais (liña 1), cofinanciadas polos fondos do Programa de economía circular e do Plan de impulso ao ambiente-PIMA residuos.

• Inversión total: 24.200,00 €
• Importe da axuda: 24.200,00 €