CAMPAMENTOS DE VERÁN

CAMPAMENTOS DE VERÁN 2020 CONCELLO VAL DO DUBRA

IDADE: de 3 a 12 anos

MESES DE XULLO E AGOSTO.

HORARIO CAMPAMENTO DE 10:00 A 14:00 HORAS

PRAZO DE SOLICITUDES:

* Para a primeira quenda de xullo: Ata o VENRES 26 DE XUÑO.

* Para o resto das quendas: Ata o VENRES 10 DE XULLO.

Seguiremos informandote. A partir do luns adxuntaremos impresos de solicitude.

DECLARACION RESPONSABLE PAIS

SOLICITUDE VERAN 2020 (1)

MEDIDAS DE PREVENCIÓN E DE HIXIENE DURANTE O CAMPAMENTO DE VERÁN 2020

1.- O acompañamento por parte dos pais ou titores do/a menor participante tense que facer con máscara e seguindo as indicacións sinalizadas en cada centro, e sempre mantendo unha distancia de 2 metros ata a entrada ao recinto onde pode deixar a/o menor. A/o menor deberá vir acompañado únicamente por unha persoa responsable (pai/nai/ titor legal). O mesmo criterio será de aplicación para a súa recollida.

2.- Os nenos e nenas deberán traer unha mochila ou bolsa que permita meter todas as súas pertenzas, de maneira que non estean en contacto coas dos seus compañeiros/as.

3.- Tanto os/as monitores/as como os participantes aseguraranse de levar sempre consigo unha máscara limpa, para o seu uso en caso de non poder garantir a distancia de seguridade. Os nenos e nenas maiores de 6 anos deberán traer dúas máscaras metidas en bolsas individuais ou sobres, sempre de papel, de maneira que lle facilite ao menor collelas e gardalas, sen que se produza contaminación do resto das súas pertenzas.

4.- Dentro das medidas establecidas para o COVID-19 pídese que cada participante teña material de uso individual, non compartido. Polo que solicitamos que as/os menores traian un estoxo con pinturas, lapis, goma, afialapis, pegamento , pincel , tesoira, que vai quedar no centro ata que remate o seu periodo de campamento. O resto do material será proporcionado pola empresa encargada de levar a cabo as actividades.

5.-Adaptaranse as actividades as medidas e recomendacións marcadas polas autoridades sanitarias e revisaranse as actividades a desenvolver, suprimindo aquelas que promoven o contacto físico máis estreito e primando as que poden levarse a cabo dun xeito máis individual ou con maior distanciamento, intentando non perder a dinámica de grupo.

6.- Á hora de realizar as actividades tentarase que estas sean en espazos o aire libre. Os espazos pechados comúns usaranse en días alternos polos diferentes grupos.

7.- Ao inicio de cada quenda o equipo de monitores/as farán unha charla informativa aos menores participantes, sobre como cumplir as medidas de seguridade e prevención. Farase fincapé principalmente na responsabilidade individual e a importancia de seguir as normas de hixiene e convivencia.

8.- Reforzarase visualmente a formación coa cartelería informativa nos espazos clave dos centros (entradas e saídas, lavabos,…)

9.- As zonas onde se fai o lavado de mans estarán dotadas de xabón e toallas de pael. Levarase a cabo unha hixiene de mans frecuente con auga e xabón ou solucións hidroalcohólicas e realizarase tras cambiar de cada actividade, antes e despois do almorzo e despois de ir o lavabo, así como despois de esbirrar, tusir ou sonarse o nariz.

10.- Manterase, sempre que sexa posible, as portas abertas para evitar o contacto dos tiradores, ademáis de permitir a ventilación dos espazos pechados nos que se desenvolvan as actividades.

11.- Utilizaranse desinfectantes con actividade viricida autorizados e rexistrados polo Ministerio de Sanidade, respectando as indicacións da etiqueta para limpar as superficies, así como todo elemento que poda ser utilizado para as actividades susceptibles de intercambio para previr o risco de contaxio.

12.-Non está permitido traer xoguetes ou calquer outro obxecto de xogo da casa.

13.- A comida non poderá ser compartida. Ademáis non se realizarán actividades que impliquen compartir comida ou coller obxectos coa boca ou similares. Tampouco se levarán a cabo obradoiros de cociña.

14.- Para comer a merenda os/as nenos/as sentaranse de xeito que respecten a distancia de seguridade.

15.- Non se irá a piscina por ser pública, o que complica levar a cabo as medidas de maneira segura.