BASES CONCURSO ENTROIDO 2025

BASES E CONVOCATORIA DO CONCURSO DE DISFRACES ENTROIDO 2025

Primeira.- Obxecto

A Concellería de Cultura do Concello de Val do Dubra convoca o concurso de disfraces que se realizará dentro das actividades e espectáculos do Entroido 2025 o día 1 de marzo de 2025.

Segunda. – Modalidades

As modalidades detállanse a continuación:

• Categoría “comparsa ou grupo conxuntado”. Deberá estar formada de alomenos 5 persoas maiores de 14 anos. Nesta categoría poderán participar nenas e nenos sempre que o número de integrantes maiores de 14 anos sexa maior que o número de menos de 13 anos participantes. Descarga aquí a solicitude.
• Categoría “parellas”. As parellas non poderán participar na modalidade de comparsa. Descarga aquí a solicitude.
• Categoría “individual”. Non poderán participar na modalidade comparsa. Descarga aquí a solicitude.

Terceira. Emprazamento

O Concurso consistirá nun desfile o día 1 a partir das 17.30 co seguinte percorrido: Campo da Feira de Bembibre, Rúa da Vereda, Rúa Os Muíños, Rúa Arcai pasando por diante da Casa do Concello ata chegar ao lugar do evento, que neste caso será unha carpa situada no Aparcamento Municipal, próximo á Rúa San Lourenzo e na rúa paralela á Rúa Arcai.

O emprazamento pode sufrir modificacións por inclemencias do tempo, co cal non se podería facer o desfile e tería que trasladarse o evento ao Pavillón Municipal.

Tanto ao longo do desfile como na carpa, onde as/os participantes poderán facer algún tipo de representación ou performance alusiva ao disfraz, os membros do xurado avaliarán os disfraces e outorgarán o veredicto ao rematar o baile previsto para o evento.

Cuarta.- Inscricións

As inscricións comezarán o día 10 de febreiro e rematarán o día 25 de febreiro. Poden realizarse a través da Sede electrónica (Deberá facerse unha solicitude xeral e adxuntar a solicitude de inscrición correspondente a comparsa, parellas ou individual) ou no Rexistro Xeral do Concello de Val do Dubra.

Folla de inscrición (Anexo I)

Se clicas sobre elas accedes á descarga:

Folla de inscrición comparsa.

Folla de inscrición parella.

Folla de inscrición individual:

Autorizacións para o uso de imaxes(Anexo II)

Quinta. – Premios

Os premios establecidos para este concurso serán os seguintes:

Sexta. – Composición do xurado e criterios de valoración

Os criterios de avaliación do concurso estarán determinados polo xurado disposto no mesmo lugar do concurso, tanto desfile como performance, baile, actuación no lugar do evento. Poderase declarar deserto calquera premio se a xuízo do propio xurado non se reúnen os méritos suficientes.

A composción do xurado será a seguinte:

PRESIDENCIA: A determinar

VOGAIS: dúas mulleres da Asociación de Mulleres Rurais.

SECRETARÍA: Persoal técnico ou administrativo adscrito á Concellería de Cultura que actuará con voz e sen voto, ou persoa en que se delegue.

Séptima.- Resolución do concurso

A decisión farase pública ao remate do concurso no lugar do evento.

Octava.- Observacións

A Presidencia, asesorada pola Concelleira de Cultura, quedará facultada para resolver as posibles eventualidades ou controversias que poidan xurdir e non previstas nestas bases.

Novena.- Protección de datos

Estes datos serán tratados e protexidos de acordo co previsto na Lei Orgánica 3/2018, na LO.15/1999, do 13 de decembro, de Protección de datos de carácter persoal, Real Decreto 1720/2007, de 21 de decembro, polo que se aproba o Regulamento de desenvolvemento da Lei Orgánica 15/1999, de 13 de decembro, de protección de datos de carácter persoal, sendo responsable do seu tratamento a Concellería de Cultura do Concello de Val do Dubra.

Décima.- Aceptación

O feito de participar no concurso de disfraces implica o coñecemento e aceptación por parte dos concursantes das presentes bases. A decisión derivada da aplicación dos criterios de avaliación do xurado é inapelable.

Nota* A presentación/desfile de cada participante non poderá superar o minuto de baile/exhibición. Os audios de 1 minuto deben ser enviados a: cultura.deportes@valdodubra.gal indicando nome artístico da comparsa, parella ou disfraz individual.

TODA A INFORMACIÓN DETALLADA RELATIVA ÁS INSCRICIÓNS AQUÍ: https://valdodubra.gal/entroido-2025/