Axudas para rehabilitación de vivendas

RESOLUCIÓN DO 22 DE DECEMBRO DE 2025, POLA QUE SE ESTABLECEN AS BASES REGULADORAS E SE CONVOCA UN PROGRAMA DE AXUDAS PARA A REHABILITACIÓN DE VIVENDAS NO MEDIO RURAL PARA O ANO 2026, CÓDIGO PROCEDEMENTO VI435E (DOG Núm 7 do 13 de xaneiro de 2025)

Obxecto da Orde

Fixar as bases para conceder subvencións destinadas a obras de rehabilitación, finalización ou ampliación de vivendas situadas en concellos de Galicia con menos de 5.000 habitantes

Tamén inclúe axudas para cambiar o uso de locais ou entreplantas para convertelos en vivendas

Estas axudas pretenden favorecer a conservación, accesibilidade, habitabilidade e eficiencia enerxética, e fomentar a poboación no rural 

Beneficiarios

Personas propietarias ou usufrutuarias dunha vivenda ou dun local/entreplanta nos concellos de Galicia con menos de 5.000 habitantes que:

queira realizar obras de rehabilitación, mellora ou ampliación
ou que queiras transformar un espazo en vivenda habitual ou para alugueiro

Actuacións subvencionable

Inclúe entre outros:

Obras de rehabilitación e conservación de vivendas.
Actuacións de accesibilidade, eficiencia enerxética e sostibilidade.
Obras que melloren a habitabilidade ou amplíen o espazo útil.
Cambio de uso de locais/entreplantas a vivenda. 

Contía das axudas

As axudas serán do 75% do orzamento protexido das obras, sen que en ningún caso poidan superar a cantidade de 30.000 euros por vivenda.

Persoas Beneficiarias

Poderán ser beneficiarias destas axudas as persoas físicas propietarias ou usufructuarias dos referidos inmobles situados, de conformidade co disposto no ordinal oitavo desta resolución, en concellos de menos de 5.000 habitantes e que acrediten ingresos non superiores a 6,5 veces o IPREM. No suposto de que as vivendas se vaian a destinar ao alugueiro non será de aplicación o citado limite de ingreso.

Prazo de Presentación

O prazo de presentación de solicitudes comezará a contarse unha vez transcorridos cinco días hábiles dende o seguinte ao da publicación desta resolución no DOG. No suposto de que o primeiro día do prazo sexa inhábil, o prazo comezará o primeiro día hábil seguinte. 

O prazo de presentación de solicitudes rematará o 1 de setembro de 2026 e, en todo caso, no momento do esgotamento do crédito orzamentario previsto nesta convocatoria. O dito esgotamento será publicado no DOG mediante resolución ditada pola persoa titular da Dirección Xeral do IGVS. Non obstante, o prazo de presentación de solicitudes poderá ser ampliado mediante resolución da persoa titular da Dirección Xeral do IGVS, que deberá ser publicada no DOG. 

As solicitudes poderán presentarse desde as 9.00 horas do primeiro día de inicio do prazo ata ás 14.00 horas do 1 de setembro de 2026. 

Val do Dubra, 13 de xaneiro de 2026

Axente de Emprego e Desenvolvemento Local.