Esta tarde vén de instalarse na Casa do Concello a pancarta “𝐍𝐎𝐍 𝐀𝐎 𝐕𝐄𝐑𝐓𝐄𝐃𝐎𝐈𝐑𝐎” pola plataforma de veciños, que está en proceso de constitución actualmente, e o Concello de Val do Dubra.

Esta acción chega coa presentación da campaña informativa sobre o impacto medioambiental da posible instalación do vertedoiro na canteira Pedra Facha (parroquia de Niveiro) que conxuntamente levará a cabo a propia plataforma e o Concello de Val do Dubra.

Lembramos que xa se teñen posto en común e informado á veciñanza sobre os aspectos medioambientais da posible creación dun vertedoiro na parroquia de Niveiro coa empresa encargada do informe sobre o impacto que tería unha instalación desas características no municipio.

Desde a empresa encargada do informe e o Concello, continuamos traballando en conxunto na preparación da documentación requirida para ter no momento de querer emitir unha resposta medioambiental se fose adiante o vertedoiro.

Aproveitamos para lembrar que a veciñanza pode canalizar todas as cuestións medioambientais que considere que poidan ser interesantes a través dos seguintes contactos da empresa encargada do análise medioambiental do proxecto:

📞Teléfono: 981 94 24 82

Enderezos electrónicos:
📩 vbouzas@tysgal.com
📩 lbibian@tysgal.com