Desde 1998, a UNESCO e a Fundación Empresarial L’ ORÉAL apostan por promover os traballos realizados por científicas que contribúen a afrontar os importantes desafíos expostos á humanidade. Cada ano, o programa “A Muller e a Ciencia” pón de relevo a excelencia da muller no quefacer científico e estimula ás científicas de talento.

Entre as galardoadas, este ano foi premiado o proxecto de Patricia Fernández Calvo no Centro de Biotecnoloxía e Xenómica de Plantas da Universidade Politécnica de Madrid por identificar os azucres vexetais que activan as defensas das plantas, protéxenas fronte a certas enfermidades e que poderían usarse como praguicidas naturais na agricultura.

Este recoñecemento a Patricia fainos sentir orgullosos, dado que esta moza é natural de Val do Dubra, concretamente de Sobrepontes en Portomouro. O concello de Val do Dubra quere felicitala por este importante premio e recoñecemento do seu traballo.