PLAN ESTATAL VIVENDA. (PERSOAS MAIORES E PERSOAS CON DISCAPACIDADE)

Programa de fomento de vivendas para persoas maiores e persoas con discapacidade do Plan estatal de vivenda 2018-2021i

Obxecto

Fomento da construción de vivendas para persoas maiores e persoas con discapacidade, xunto coas instalacións e servizos comúns necesarios para ser explotadas en réxime de alugamento ou cesión de uso e convocar estas axudas para a anualidade 2020, con carácter plurianual.

Requisitos das vivendas

  1. Que se trate de edificios de tipoloxía residencial colectiva de nova construción ou de vivendas procedentes da rehabilitación de edificios.

  2. Que as promocións teñan un mínimo de 8 vivendas.

  3. Que se atopen totalmente baleiros de inquilinos ou outros ocupantes por calquera título.

  4. Que as obras da promoción non estean iniciadas e/ou finalizadas na data que se indique na resolución de convocatoria.

  5. Que as actuacións de obra nova e de rehabilitación das edificacións se realicen conforme os criterios fixados na Guía de cor e materiais elaborada pola Xunta de Galicia.

  6. Que dispoñan dunhas instalacións e servizos comúns que deberán de incluír como mínimo: asistencia social, atención médica básica 24 horas dispoñible e cercana, limpeza e mantemento, dispositivos e sistemas de seguridade, restauración, actividades sociais, deportivas, de lecer e culturais, así como de terapias preventivas e de rehabilitación. O deseño dos espazos garantirá a adecuación e a accesibilidade para o seu uso por persoas maiores ou, de ser o caso, de persoas con discapacidade.

  7. Que as súas vivendas teñan unha cualificación enerxética correspondente ao consumo enerxético, como mínimo, dunha letra B, de acordo coa normativa de aplicación.

  8. Que todas as súas vivendas se vaian ceder en uso ou destinar ao arrendamento durante un prazo mínimo de corenta anos, o que deberá constar, en todo caso, en nota marxinal no Rexistro da Propiedade.

Beneficiarias

  1. As administracións públicas, os organismos públicos e demais entidades de dereito público. Así mesmo, as entidades de dereito privado, as empresas públicas, privadas, público-privadas e sociedades mercantís participadas maioritariamente polas administracións públicas, en cuxo obxecto social figure a promoción de vivendas.

  2. As fundacións, as empresas de economía social e as súas asociacións, cooperativas de autoconstrución, as organizacións non gobernamentais e as asociacións declaradas de utilidade pública, e aquelas ás cales se refire a disposición adicional quinta da Lei 7/1985, do 2 de abril, reguladora das bases do réxime local.

Requisitos das beneficiarias

  • Atoparse ao día das súas obrigas tributarias estatais e autonómicas e coa Seguridade Social e non ter pendente ningunha outra débeda, por ningún outro concepto, coa Administración pública da Comunidade Autónoma.

  • Non estar incursas nalgunha das circunstancias previstas no artigo 13 da Lei 38/2003, do 17 de decembro, xeral de subvencións, e no artigo 10 da Lei 9/2007, do 13 de xuño, ou que se lles teña revogado ou fosen obxecto dunha resolución de reintegro dalgunha axuda prevista neste ou no anterior plan estatal de vivenda por incumprimento ou causa imputable a aquela.

  • No suposto de fundacións de interese galego, ter presentadas as contas ao protectorado do exercicio inmediatamente anterior ao da correspondente convocatoria.

  • No suposto de concellos de Galicia, ter presentadas no Consello de Contas as contas xerais do exercicio inmediatamente anterior ao da correspondente convocatoria.

Contía das axudas

A contía da axuda directa será proporcional á superficie útil de cada vivenda (sen ter en conta garaxes nin rochos) e de ata un máximo de 400 euros por metro cadrado da dita superficie útil. A contía máxima desta axuda non poderá superar o 40 % do investimento da actuación.

Limitación do prezo de alugamento ou da cesión en uso

Ámbito territorial

Renda/m2 útil de vivenda 

Renda/m2 útil de rocho e garaxe 

Prezo máx. superior 

5,23 €

3,14 €

Zona 1

4,55 €

2,73 €

Zona 2

4,12 €

2,47 €

A persoa arrendadora poderá percibir, ademais da renda inicial ou revisada que lle corresponda, o custo real dos servizos de que goce a persoa inquilina e se satisfagan pola persoa arrendadora, así como as demais repercusións autorizadas pola lexislación aplicable.

A persoa cedente poderá percibir, ademais do prezo inicial ou revisado que se acorde, o custo real dos servizos de que goce a persoa cesionaria e se satisfagan pola persoa cedente, así como os gastos de comunidade e impostos, taxas ou tributos, tamén satisfeitos pola persoa cedente, cuxa repercusión sexa acordada na cesión en uso.

Límite de ingresos das persoas arrendatarias e cesionarias das vivendas

  1. As vivendas financiadas con cargo a este programa unicamente poderán ser alugadas ou cedidas en uso ás persoas maiores de 65 anos ou a persoas con discapacidade (coas súas familias en caso de persoas tuteladas), cuxos ingresos, incluídos os de todas as persoas que constitúan a súa unidade de convivencia, non superen cinco veces o IPREM.

  2. As persoas arrendatarias ou cesionarias non poderán dispoñer, no momento de habitar a vivenda, de vivenda propia ou en usufruto, e o seu patrimonio, para os efectos da Lei do imposto sobre o patrimonio, terá que ser inferior a 200.000 euros. Para estes efectos, non se considerará que se é propietario ou usufrutuario dunha vivenda se o dereito recae unicamente sobre unha parte alícuota desta e se obtivese por herdanza ou transmisión mortis causa sen testamento.

Non será exixible a non disposición de vivenda referida no parágrafo anterior nos seguintes casos:

  1. Cando o titular da vivenda acredite a súa non dispoñibilidade por causa de separación, divorcio ou calquera outra causa allea á súa vontade.

  2. Cando a vivenda resulte inaccesible por razón de discapacidade do titular ou dalgún membro da unidade de convivencia.

Determinación dos ingresos da unidade de convivencia das persoas arrendatarias e cesionarias da vivenda

Partirase da contía da base impoñible xeral e do aforro, reguladas nos artigos 48 e 49, respectivamente, da Lei 35/2006, do 28 de novembro, do IRPF, correspondente á declaración ou declaracións presentadas pola persoa solicitante e por cada unha das persoas integrantes da unidade de convivencia, relativa ao período impositivo con prazo de presentación vencido na data de formalización do correspondente contrato de alugamento ou cesión en uso.

Requisitos e prazo de execución das actuacións

As actuacións obxecto de financiamento non poderán estar iniciadas con anterioridade do 1 de xaneiro de 2020 e non poderán estar finalizadas con carácter previo á publicación desta resolución no DOG.

O prazo para executar as obras correspondentes a actuacións financiadas con cargo a esta convocatoria non poderá exceder de 18 meses, contados desde a data de notificación da citada resolución de concesión e, en todo caso, non poderá exceder do 30 de novembro de 2021.

Documentación

Solicitude

  1. De ser o caso, documentación acreditativa da representación da persoa que actúe no nome da persoa ou entidade solicitante. A representación deberá acreditarse a través do modelo normalizado dispoñible na sede electrónica da Xunta de Galicia ou por calquera outro medio válido en dereito. O modelo normalizado pódese descargar na seguinte ligazón: https://sede.xunta.gal/modelos-normalizados.

  2. Documento administrativo acreditativo da cesión ou a concesión administrativa do solo ou, de ser o caso, a escritura pública de constitución do dereito de superficie ou de titularidade do solo ou, de ser o caso, da titularidade do inmoble que se rehabilitará.

  3. Reportaxe fotográfica do estado actual da actuación, de ser o caso.

  4. Infografía da actuación que se vai executar.

  5. Memoria-programa da actuación

  6. No caso de obras iniciadas con anterioridade á data da publicación no DOG desta resolución, certificado emitido polo/a técnico/a director/a das obras que acredite a data de inicio das obras, así como as obras pendentes de finalización.

  7. Declaración responsable da persoa ou entidade beneficiaria, de que a promoción se atopa totalmente baleira de inquilinos ou outros ocupantes por calquera título.

  8. Certificado de eficiencia enerxética de proxecto que acredite a cualificación de consumo enerxético como mínimo da letra B.

  9. Licenza municipal de obras ou, solicitude de licenza, no caso de non dispoñer dela.

  10. No caso de edificios situados en conxuntos históricos, documentación xustificativa desta circunstancia.

  11. No caso de solicitudes presentadas por fundacións de interese galego, certificado da persoa responsable no que se acredite que a fundación teña presentadas as contas ao protectorado do exercicio inmediatamente anterior ao da correspondente convocatoria.

  12. No caso de solicitudes presentadas por concellos, certificado da secretaría municipal no que se acredite que o concello teña presentadas no Consello de Contas as contas xerais do exercicio inmediatamente anterior ao da correspondente convocatoria.

  13. No caso das entidades de dereito privado, empresas públicas, privadas, público – privadas e sociedades mercantís participadas maioritariamente polas administracións públicas,certificado emitido polo seu órgano competente que acredite o seu obxecto social no momento da presentación da solicitude.

Lugar de presentación

As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal.

Prazo de presentación de solicitudes

Dous meses, contados a partir do día seguinte ao da publicación desta resolución no DOG. Ata o 6 de abril de 2020.

i Fonte e elaboración: MATIASS

Noticias Similares

CORONAVIRUS RECOMENDACIÓNS DA CONSELLERÍA DE SANIDADE EN RELACIÓN Á SITUACIÓN ACTUAL DO NOVO CORONAVIRUS EN GALICIA TELÉFONO DE INFORMACIÓN PARA A CIDADANÍA No caso de que teña algunha
SUSPENDIDO MERCADO DE NAD... MERCADO DE NADAL-FEIRA DE 2ª MAN SUSPENDIDO Por motivo do aumento de casos de Covid-19 nos últimos dias, por seguridade procédese á cancelación do Mercado de Nadal
OBRADOIRO DE EMPREGO 2020 O Concello de Negreira, como promotor do Programa de emprego: “Programa de Emprego mocidade 2020” xunto cos Concellos da Baña, Concello de Santa Comba e Concello de
1º CONSURSO DE FOTOGRAF... Descargar Bases Concurso de Fotografia Descargar ficha de inscripción Concurso de Fotografía
NIVEL 2 VAL DO DUBRA VOLTA O NIVEL 2 Despois da reunión mantida esta mañán co Gabinete de Sanidade para analizar a situación epidemiolóxica dos concellos incluidos dentro do
TALLER: MEDIDAS HIXIÉNIC... TALLER: MEDIDAS HIXIÉNICO – SANITARIAS E DE SEGURIDADE NA HOSTALARÍA E RESTAURACIÓN, NO CONTEXTO DE COVID-19   ORDE do 14 de setembro de 2021 pola que se
PEL: LISTADO DE ADMITIDOS... LISTADO DEFINITIVO ADMITIDOS PARA FACER AS PROBAS: DECRETO LISTADO DEFINITIVO ADMITIDOS E EXCLUIDOS PEL   PEL: LISTADO DE ADMITIDOS E EXCLUÍDOS PROVISIONAIS LISTADO ADMITIDOS E EXCLUIDOS PROVISIONALES
ENTRADAS PARA IR VER O PA... ENTRADAS PARA IR VER O PARTIDO ENTRE O DEPORTIVO DE A CORUÑA E O AGRUPACIÓN DEPORTIVA ALCORCÓN A Deputación cede entradas gratuitas, aos nenos/as con pais/nais empadroados
CASA DO MAIOR XORNADA DE PORTAS ABERTAS Maña a Consellería de Política Social Fabiola García Martínez inaugura a Casa do Maior de Val do Dubra, o día será de portas
AXUDAS COMEDOR ESCOLAR AXUDAS DO COMEDOR ESCOLAR A partir do día 31 de marzo e ata o vindeiro día 6 de abril, permanecerá aberto o prazo para solicitar as axudas
VOLUNTARIADO 2022 VOLUNTARIADO XUVENIL
LISTAXE DEFINITIVA PEL LISTAXE DEFINITIVA PEL LISTAXE DEFINITIVA     PUNTUACIÓNS PEL ANUNCIO RESULTADO OPOSICION, FORMACION E EXPERIENCIA PROFESIONAL (1)     ANUNCIO RESULTADO OPOSICION, FORMACION E EXPERIENCIA PROFESIONAL (1)
TARXETA DO PARO Emprego Galicia, en coordinación co Servicio Público de Empleo Estatal (SEPE), acordou o seguinte: NON será necesario renovar a demanda de emprego ata o día 30 de
OUTONO XOVE 2021 Outono Xove 2021 Actividades de fin de semana en albergues xuvenís, para a mocidade de 14 a 30 anos. A Xunta de Galicia pon en marcha o novo
VECIÑO SOLIDARIO VECIÑO SOLIDARIO A empresa deportiva EMESPORTS pon en marcha a plataforma de axuda ós veciños afectados polo COVID-19. A contía recadada irá destinada ás axudas sociais ou
CICLO DE CHARLAS XUNTOS N... FORMULARIO INSCRICION AGADEA-VALDODUBRA
INAUGURACIÓN OBRADOIRO D... O alcalde de Val do Dubra, Jose Manuel Varela Ferreiro, inaugurou o obradoiro de emprego do cal é promotor o noso Concello. Ao acto de inauguración do
TERMALISMO IMSERSO   O Instituto de Maiores e Servizos Sociais convoca prazas para pensionistas que desexen participar no Programa de Termalismo a través da Resolución do 10 de decembro
Bolsas traballo escola in... CONVOCATORIA DE PROCESOS SELECTIVOS PARA A CREACIÓN DE BOLSAS DE TRABALLO DE MESTRES/AS,  TÉCNICOS/AS DE EDUCACIÓN INFANTIL E ASISTENTES INFANTIS PARA A ESCOLA INFANTIL MUNICIPAL  DE VAL
PESCA DUBRA 22