BRIGADA MEDIO AMBIENTAL VAL DO DUBRA-TRAZO

Val do Dubra e Trazo comezarán o ano 2021 creando unha brigada medio ambiental para dar un maior servizo os seus veciños; os dous concellos acaban de facer unha inversión de máis de 120.000 euros, coa adquisición dun camión basculante con grúa, un camión dotado de gancho «multilift» con 6 caixas intercambiables e un remolque dotado cun equipo de limpeza a presión e un equipo de desatascar. Resaltar que para esta inversión conseguiron unha axuda por parte da Xunta de Galicia, a través do Fondo de Compensación Ambiental, de 84.000 euros. Manifestan ambos concellos a importancia de contar con estes novos equipos, que ademais contan con distintivos ECO, polo cal estas inversións van na liña dos Plans de Acción contra o Cambio Climático (PACES) recentemente aprobados por ambos concellos, e para os cales tamén conseguiron o 100% de axuda para a elaboracion dos mesmos.